ಬ್ರಹ್ಮಾವರ: ರೋಟರಿ ಕ್ಲಬ್ ಸಾಯ್ಬ್ರಕಟ್ಟೆ ಇದರ ವತಿಯಿಂದ ಮಧುವನದ ವಿವೇಕಾನಂದ ಹಿರಿಯ ಪ್ರಾಥಮಿಕ ಶಾಲೆಗೆ ಕಲಿಕೆಗಾಗಿ ಗ್ರೀನ್ ಬೋರ್ಡ್ ವಿತರಣೆ ಮಾಡಲಾಯಿತು. ಸಾಯ್ಬ್ರಕಟ್ಟೆ ರೋಟರಿ ಮಾಜಿ ಅಧ್ಯಕ್ಷ ಮಧುವನ ಮಾಧವ ಹೆಗ್ಡೆ, ಮಧುವನ ಮೋಹನದಾಸ್ ಹೆಗ್ಡೆ, ಹಾಗೂ ಶಿರಿಯಾರ ಗಣೇಶ ನಾಯಕ್ ಅವರ ಪ್ರಾಯೋಜಕತ್ವದಲ್ಲಿ ಕೊಡುಗೆಗಳನ್ನು ರೋಟರಿ ವತಿಯಿಂದ ಹಸ್ತಾಂತರಿಸಲಾಯಿತು.

ರೋಟರಿ ಸಾಯ್ಬ್ರಕಟ್ಟೆ ಅಧ್ಯಕ್ಷ ಯು ಪ್ರಸಾದ್ ಆರ್ ಭಟ್ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ದಾನವು ಸದ್ವಿನಿಯೋಗವಾದಾಗ ಅದು ಸಾರ್ಥಕ್ಯ ಕಂಡುಕೊಳ್ಳುತ್ತದೆ. ಸೇವೆಗೊಂದು ಮೌಲ್ಯ ಬಂದಂತಾಗುತ್ತದೆ ಎಂದರು. ಸಮಾರಂಭದಲ್ಲಿ ರೋಟರಿ ಕಾರ್ಯದರ್ಶಿ ಅಣ್ಣಯ್ಯದಾಸ್, ಪದಾಧಿಕಾರಿಗಳಾದ ನೀಲಕಂಠ ರಾವ್, ರಾಮಪ್ರಕಾಶ್, ಕಿರಣ ಕಾಜ್ರಲ್ಲಿ ಹಾಗೂ ಶಾಲೆಯ ಹಳೆ ವಿದ್ಯಾರ್ಥಿಗಳಾದ ಮಧುವನ ಸಂದೇಶ್ ಹೆಗ್ಡೆ, ಶಿರಿಯಾರ ಗಣೇಶ ನಾಯಕ್ ಉಪಸ್ಥಿತರಿದ್ದರು. ಶಾಲೆಯ ಮುಖ್ಯ ಶಿಕ್ಷಕ ಲಚ್ಚು ನಾಯ್ಕ್ ಸ್ವಾಗತಿಸಿ ವಂದಿಸಿದರು. ಬೋಧಕ ಬೋಧಕೇತರರು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.