ಮಂಗಳೂರು: ಸಮಾಜಮುಖಿ ಸೇವಾಸಂಸ್ಥೆ ಸೇವಾಂಜಲಿ ಚ್ಯಾರಿಟೇಬಲ್ ಟ್ರಸ್ಟ್ (ರಿ) ಕೆಎಂಸಿ ಆಸ್ಪತ್ರೆ ಹಾಗೂ ಮಣಿಪಾಲ್ ಸಿಗ್ನಾ ಹೆಲ್ತ್ ಇನ್ಸೂರೆನ್ಸ್ ಕಂಪೆನಿ ಲಿಮಿಟೆಡ್ ಸಹಯೋಗದೊಂದಿಗೆ ಸೇವಾಂಜಲಿ ಆರೋಗ್ಯ ಸುರಕ್ಷಾ ಯೋಜನೆಯನ್ನು ಜಾರಿಗೆ ತರುತ್ತಿದೆ.
ಪ್ರತಿ ಕುಟುಂಬಕ್ಕೆ ವಿಮಾ ಮೊತ್ತ 50000/- ರೂಪಾಯಿಗಳಾಗಿದ್ದು, ಒಳರೋಗಿ ಸೌಲಭ್ಯಗಳು, ಹೆರಿಗೆ ಸೌಲಭ್ಯಗಳು, ವೈಯಕ್ತಿಕ ಅಪಘಾತ ವಿಮೆ ಪ್ರತಿ ಸದಸ್ಯರಿಗೆ ರೂಪಾಯಿ 50000/- ರವರೆಗೆ ಸೌಲಭ್ಯ ಲಭ್ಯ ಇದೆ. ಪ್ರತಿ ಕುಟುಂಬದಲ್ಲಿ ಗರಿಷ್ಟ ಐದು ಜನ ಸದಸ್ಯರು ಇರಬಹುದಾಗಿದ್ದು, ವಿಮಾ ಪಾಲಿಸಿಗೆ 91 ದಿನದ ಹಸುಳೆಯಿಂದ 85 ವರ್ಷಗಳ ತನಕ ಹಿರಿಯ ಸದಸ್ಯರನ್ನು ಕೂಡ ನಮೂದಿಸಬಹುದಾಗಿದೆ.
ಈ ಪಾಲಿಸಿಯಡಿ ನಗದುರಹಿತ ಸೇವೆ ದೊರೆಯಲಿದೆ. ಡಯಾಲೀಸಿಸ್, ಕೀಮೋಥೆರಪಿ, ರೆಡಿಯೋಥೆರಪಿ, ಕಣ್ಣಿನಪೊರೆ, ಅಪಘಾತದಿಂದಾಗಿ ಹಲ್ಲಿನ ಚಿಕಿತ್ಸೆ, ಮೂತ್ರಪಿಂಡದ ಕಲ್ಲು ತೆಗೆಯುವ ಶಸ್ತ್ರಚಿಕಿತ್ಸೆ ಈ ಯೋಜನೆಯ ವ್ಯಾಪ್ತಿಗೆ ಒಳಪಟ್ಟಿರುತ್ತದೆ. ಮಣಿಪಾಲ್ ಸಿಗ್ನಾ ಹೆಲ್ತ್ ಇನ್ಸೂರೆನ್ಸ್ ಕಂಪೆನಿಯವರು ಕೆಲವೇ ಸಂಘಟನೆಗಳಿಗೆ ಈ ಪಾಲಿಸಿಯನ್ನು ನೀಡಿದ್ದು, ಅದರಲ್ಲಿ ಜನಪರ ಕೆಲಸ ಮಾಡುವ ಸೇವಾಂಜಲಿ ಚ್ಯಾರಿಟೇಬಲ್ ಟ್ರಸ್ಟ್ ಕೂಡ ಸೇರಿದೆ.
ಒಳರೋಗಿಗಳು ಜನರಲ್ ವಾರ್ಡಿನಲ್ಲಿ ಚಿಕಿತ್ಸೆ ಪಡೆದುಕೊಳ್ಳಬಹುದಾಗಿದೆ. ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲ, ಡಾ. ಟಿಎಂಎ ಪೈ ಆಸ್ಪತ್ರೆ ಉಡುಪಿ ಮತ್ತು ಕಾರ್ಕಳ, ಕೆಎಂಸಿ ಆಸ್ಪತ್ರೆ ಅತ್ತಾವರದಲ್ಲಿ ಈ ಸೌಲಭ್ಯವನ್ನು ಪಡೆದುಕೊಳ್ಳಬಹುದು. ಈ ಪಾಲಿಸಿಯನ್ನು ಮಾಡಿಸಲು ಅರ್ಜಿಯೊಂದಿಗೆ, ಆಧಾರ ಕಾರ್ಡ್ ಕೂಡ ಅಗತ್ಯ ಇದೆ.
ಅರ್ಜಿಗಳು ದೊರೆಯುವ ಸ್ಥಳ: ಮಂಗಳೂರಿನ ಕೊಡಿಯಾಲ್ ಬೈಲ್ ನಲ್ಲಿರುವ ಅಟಲ್ ಸೇವಾ ಕೇಂದ್ರದಲ್ಲಿ ಬೆಳಿಗ್ಗೆ 10 ಗಂಟೆಯಿಂದ ಸಂಜೆ 5 ಗಂಟೆಯ ತನಕ ಮತ್ತು ಮಂಗಳೂರಿನ ರಥಬೀದಿ ಶ್ರೀ ವೆಂಕಟರಮಣ ದೇವಸ್ಥಾನದಲ್ಲಿ ಸಂಜೆ 5.30 ರಿಂದ 7.30 ರ ತನಕ ದೊರೆಯಲಿದೆ. ಅರ್ಜಿಯನ್ನು ಪಡೆದು ಆಯಾಯ ಕೇಂದ್ರಗಳಲ್ಲಿ 10.12.2021 ರ ಒಳಗೆ ಸಲ್ಲಿಸಬಹುದು.
ಹೆಚ್ಚಿನ ಮಾಹಿತಿಗಾಗಿ 7795069777
