ಉಡುಪಿ: ಹಿಜಾಬ್ ವಿವಾದ ಪಿ.ಎಫ್.ಐ., ಸಿ.ಎಫ್.ಐ., ಎಸ್.ಡಿ.ಪಿ.ಐ ಹಾಗೂ ಮತೀಯವಾದದ ಮೂಲಕ ಶಾಂತಿ ಕದಡುವ ರಾಜಕೀಯ ಶಕ್ತಿಗಳ ಸಂಘಟನೆಯ ಹಿಡನ್ ಅಜೆಂಡಾ ಎಂದು ಬಿಜೆಪಿ ಹಿಂ.ವ.ಮೋರ್ಚಾ ರಾಜ್ಯ ಕಾರ್ಯದರ್ಶಿ ಐರೋಡಿ ವಿಠ್ಠಲ ಪೂಜಾರಿ ಹೇಳಿದ್ದಾರೆ. ಈ ಹಿಜಾಬ್ ವಿವಾದದ ಮೂಲಕ ಕರಾವಳಿ ಪ್ರದೇಶ ಸೇರಿ ರಾಜ್ಯ,ದೇಶದಾದ್ಯಂತ ಕೋಮು ಸಂಘರ್ಷ ಸೃಷ್ಟಿಸಿ ಶಾಂತಿ ಸುವ್ಯವಸ್ಥೆಗೆ ಧಕ್ಕೆ ತಂದು ಜನಜೀವನವನ್ನು ಅಸ್ತವ್ಯಸ್ತ ಮಾಡಿ ಖುಷಿ ಪಡುವ ಇರಾದೆಯಲ್ಲಿ ಮತಾಂಧ ಶಕ್ತಿಗಳು ಕೆಲಸ ಮಾಡುತ್ತಿವೆ. ಭಾರತೀಯ ಜನತಾ ಪಾರ್ಟಿಯು ಈ ನೆಲದ ಕಾನೂನಿಗೆ ಧಕ್ಕೆ ತರುವವರಿಗೆ ಈ ರೀತಿಯ ಕನಸು ಕಾಣಲು ಬಿಡುವುದಿಲ್ಲ.

ಸರ್ಕಾರ ಆದಷ್ಟು ಬೇಗ ಈ ಮತೀಯವಾದದ ಮೂಲಕ ಶಾಂತಿ ಕದಡುವ ಸಂಘಟನೆಯನ್ನು ನಿಷೇಧಿಸಿ ಅಂಗನವಾಡಿಯಿಂದ ಸ್ನಾತಕೋತ್ತರ ಪದವಿವರೆಗೂ ಸಮಾನತೆ ಸಾರುವ ವಸ್ತ್ರ ಸಂಹಿತೆ ಜಾರಿಗೆ ತರಬೇಕು ಎಂದು ಐರೋಡಿ ವಿಠ್ಠಲ ಪೂಜಾರಿ ಪ್ರಕಟಣೆಯ ಮೂಲಕ ತಿಳಿಸಿದ್ದಾರೆ.