ಉಡುಪಿ: ಶಕಲಕ ಬೂಮ್ ಬೂಮ್ ಚಿತ್ರದ ಶೀರ್ಷಿಕೆ ಹಾಡನ್ನು ಶಾಸಕ ಕೆ. ರಘುಪತಿ ಭಟ್ ಬಿಡುಗಡೆಗೊಳಿಸಿದರು. ಶಾಸಕರು ನೂತನ ತಂಡದ ಸಾಹಸಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರಲ್ಲದೆ ಉಡುಪಿಯಿಂದ ಇಂದು ವಿಶ್ವಮಾನ್ಯಗೊಳ್ಳುತ್ತಿರುವ ಚಿತ್ರಗಳು ಮೂಡಿಬರುತ್ತಿವೆ ಎಂದು ಹೇಳಿ ಶಕಲಕ ಬೂಮ್ ಬೂಮ್ ತಂಡಕ್ಕೆ ಶುಭ ಹಾರೈಸಿದರು.

ತುಳು ಚಿತ್ರ ಶಕಲಕ ಬೂಮ್ ಬೂಮ್ ಯು.ಎನ್. ಸಿನೆಮಾಸ್ ಬ್ಯಾನರ್ ಅಡಿಯಲ್ಲಿ ತುಳುರಂಗದ ಖ್ಯಾತ ಕಲಾವಿದರೊಂದಿಗೆ ಹೊಸ ಪ್ರತಿಭೆಗಳನ್ನು ಪರಿಚಯಿಸಿದೆ. ತುಳು ಸಿನೆಮಾದಲ್ಲಿ ವೈವಿಧ್ಯತೆಯೊಂದಿಗೆ ಹಾರರ್, ತ್ರಿಲ್ಲರ್, ಕಾಮಿಡಿ, ಸಸ್ಪೆನ್ಸ್ ಹೊಂದಿರುವ ಯುವಜನತೆಗೆ, ಸಮಾಜಕ್ಕೆ, ಕುಟುಂಬಕ್ಕೆ ಒಳ್ಳೆಯ ಸಂದೇಶದೊಂದಿಗೆ ವಿಶಿಷ್ಟವಾಗಿ ಮೂಡಿ ಬಂದಿರುದಾಗಿ ಚಿತ್ರದ ನಿರ್ದೇಶಕರಾದ ಶ್ರೀಶ ಎಳ್ಳಾರೆ ಪ್ರಸ್ತಾವಿಕ ಮಾತಿನಲ್ಲಿ ಹೇಳಿದರು.

ನಿರ್ದೇಶಕ ನಿತ್ಯಾನಂದ ನರಸಿಂಗೆ, ನಾಯಕ ಗಾಡ್ವಿನ್, ಸಂಗೀತ ನಿರ್ದೇಶಕ ಡೋಲ್ವಿನ್ ಕೊಳಲಗಿರಿ, ಪ್ರಜ್ವಲ್ ಸುವರ್ಣ, ವಿಘ್ನೇಶ್ ಕುಲಾಲ್, ದರ್ಶಿತ್, ಸೌಮ್ಯ ಮೆಂಡನ್, ಡಾ. ಶ್ರೀಧರ್ ಡಿ., ಗಾಯತ್ರಿ, ಶರಣ್ಯ, ಶ್ರಾವ್ಯ ಉಪಸ್ಥಿತರಿದ್ದರು.