ಮಣಿಪಾಲ: ಕಸ್ತೂರ್ಬಾ ಮೆಡಿಕಲ್ ಕಾಲೇಜು ಮಣಿಪಾಲದ ಭ್ರೂಣಶಾಸ್ತ್ರ ವಿಭಾಗದ ಪ್ರಾಧ್ಯಾಪಕರಾದ ಡಾ. ಸತೀಶ್ ಅಡಿಗ ಅವರನ್ನು 2020 ನೇ ಸಾಲಿನ ರಾಷ್ಟ್ರೀಯ ಪ್ರಶಸ್ತಿಗೆ ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ ಆಯ್ಕೆ ಮಾಡಿದೆ.

ಐಸಿಎಂಆರ್ ತನ್ನ ವೆಬ್ಸೈಟ್ ನಲ್ಲಿ ಪ್ರಕಟಿಸಿದ ಪ್ರಕಾರ, ಪ್ರೊಫೆಸರ್ ಅಡಿಗ ಅವರು ಇನ್ ವಿಟ್ರೊ ಫರ್ಟಿಲೈಸೇಶನ್ (ಐವಿಎಫ್) ಕ್ಷೇತ್ರಕ್ಕೆ ನೀಡಿದ ಅತ್ಯುತ್ತಮ ಕೊಡುಗೆಗಾಗಿ ಐಸಿಎಂಆರ್ ನಿಂದ ಡಾ. ಸುಭಾಸ್ ಮುಖರ್ಜಿ ಪ್ರಶಸ್ತಿಯನ್ನು ಸ್ವೀಕರಿಸಲಿದ್ದಾರೆ.

ಡಾ. ಸುಭಾಸ್ ಮುಖರ್ಜಿ ಅವರು ಭಾರತದ ಮೊದಲ ಐವಿಎಫ್ ಮಗುವಿನ ಸೃಷ್ಟಿಕರ್ತರು, ಆದ್ಧರಿಂದ ಐ.ಸಿ.ಎಮ್.ಆರ್ ದೇಶದಲ್ಲಿ ಐವಿಎಫ್ ತಜ್ಞರ ಅತ್ಯುತ್ತಮ ಕೊಡುಗೆಯನ್ನು ಗುರುತಿಸಲು ಅವರ ಹೆಸರಿನಲ್ಲಿ ಪ್ರಶಸ್ತಿಯನ್ನು ಸ್ಥಾಪಿಸಿದೆ.

ಡಾ. ಅಡಿಗ ಅವರು ಕೆಎಂಸಿ ಮಣಿಪಾಲದಲ್ಲಿ ಸಹಕರಿತ ಸಂತಾನೋತ್ಪತ್ತಿ ಚಿಕಿತ್ಸೆ ಕಾರ್ಯಕ್ರಮದ ನೇತೃತ್ವ ವಹಿಸಿದ್ದಾರೆ ಮತ್ತು ಕ್ಲಿನಿಕಲ್ ಐವಿಎಫ್ ಮತ್ತು ಸಂಶೋಧನೆ ಎರಡಕ್ಕೂ ಗಣನೀಯ ಕೊಡುಗೆ ನೀಡಿದ್ದಾರೆ.