ಟೋಕಿಯೊ: ಇಂದು ನಡೆದ ಪುರುಷರ ಸೂಪರ್ ಹೆವಿವೈಟ್ ಬಾಕ್ಸಿಂಗ್ (+95 ಕೆಜಿ) ವಿಭಾಗದಲ್ಲಿ ಭಾರತದ ಬಾಕ್ಸರ್ ಸತೀಶ್ ಕುಮಾರ್ ಜಮೈಕಾದ ರಿಕಾರ್ಡೊ ಬ್ರೌನ್ ವಿರುದ್ಧ ಭರ್ಜರಿ ಗೆಲುವಿನೊಂದಿಗೆ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದ್ದಾರೆ.

ಎದುರಾಳಿಯನ್ನು 4-1 ಅಂತರದಲ್ಲಿ ಮಣಿಸಿದ 32ರ ಹರೆಯದ ಸತೀಶ್ ಕುಮಾರ್ ಪ್ರಥಮ ಮತ್ತು ದ್ವಿತೀಯ ಸುತ್ತಿನಲ್ಲಿ ಮುನ್ನಡೆ ಸಾಧಿಸಿ ಎದುರಾಳಿಯ ಬೆವರಿಳಿಸಿದರು.

ಸೂಪರ್ ಹೆವಿವೈಟ್ ಬಾಕ್ಸಿಂಗ್ (+95 ಕೆಜಿ) ವಿಭಾಗದಲ್ಲಿ ಒಲಿಂಪಿಕ್ಸ್ ಗೆ ಆಯ್ಕೆಯಾದ ಭಾರತದ ಮೊದಲ ಬಾಕ್ಸರ್ ಎಂಬ ದಾಖಲೆಯನ್ನು ಸತೀಶ್ ಕುಮಾರ್ ನಿರ್ಮಿಸಿದ್ದಾರೆ.