ಬೀಜಿಂಗ್, ಡಿ.15: ಭಾರೀ ಹಿಮಪಾತವಾದ ಕಾರಣ ಬೀಜಿಂಗ್‌ನಲ್ಲಿ ಎರಡು ಸಬ್‌ವೇ ರೈಲುಗಳು ಡಿಕ್ಕಿ ಹೊಡೆದು 515 ಮಂದಿ ಗಾಯಗೊಂಡಿದ್ದಾರೆ. ಗುರುವಾರ ಸಂಜೆ ಬೀಜಿಂಗ್ ಪರ್ವತದ ಪಶ್ಚಿಮದಲ್ಲಿ ಚಾಂಗ್ಪಿಂಗ್ ಲೈನ್‌ ಬಳಿ ಅಪಘಾತ ಸಂಭವಿಸಿದೆ. ತುರ್ತು ವೈದ್ಯಕೀಯ ಸಿಬ್ಬಂದಿ, ಪೊಲೀಸ್ ಮತ್ತು ಸಾರಿಗೆ ಅಧಿಕಾರಿಗಳು ಘಟನಾ ಸ್ಥಳದಲ್ಲಿದ್ದು ತುರ್ತಾಗಿ ಕಾರ್ಯಾಚರಣೆ ಮಾಡಿ ಎಲ್ಲಾ ಪ್ರಯಾಣಿಕರನ್ನು ರಾತ್ರಿ 11 ಗಂಟೆಯ ವೇಳೆಗೆ ಸ್ಥಳಾಂತರಿಸಲಾಯಿತು. ಇಪ್ಪತ್ತೈದು ಪ್ರಯಾಣಿಕರು ನಿಗಾದಲ್ಲಿದ್ದಾರೆ ಮತ್ತು 67 ಮಂದಿ ಶುಕ್ರವಾರ ಬೆಳಿಗ್ಗೆ ಆಸ್ಪತ್ರೆಗೆ ದಾಖಲಾಗಿದ್ದಾರೆ ಎಂದು ಪ್ರಾಧಿಕಾರ ತಿಳಿಸಿದೆ.
