ಇವತ್ ಆಸಾಡಿ ಅಮಾಸಿ ದಿನ ನಮ ಬದ್ಕಿನ್ ಭಾಷಿ ನಮ್ ಕುಂದಾಪ್ರ ಕನ್ನಡದ್ ಹಬ್ಬು… ಅಲ್ದೆ..?. ನಾನು ಒಂದ್ ಎರ್ಡ್ ಮಾತ್ ನಿಮ್ ಒಟ್ಟಿಗೆ ಹಂಚ್ಕಂಬ ಅಂದಳಿ ಬಂದಿ… ಕೆಂತ್ರಿ ಅಲ್ದಾ… ನನ್ ಮಾತ್…. ಹೆತ್ತ್ ಅಬ್ಬಿ ಹ್ಯಾಂಗ್ ಹಾಂಗೆ ಅಲ್ದೆ ನಮ ಅಬ್ಬಿ ಭಾಷಿನು…? ಬರಿ ಕುಶಾಲಿಗೆಲ್ಲ ಹೇಳುದ್ ಅಲ್ದೆ… ನೀವೇ ಕಾಣಿ… ಹೆತ್ತ್ ಅಬ್ಬಿ ಹ್ಯಾಂಗ್ ನಮ ಕಷ್ಟು ಸುಖಕ್ ಆತ್ತಳೋ ಹಂಗೆ ನಮ ಈ ಭಾಷಿ… ಅನುದಿನು ನಮ ಬದ್ಕಿನ್ ಒಟ್ಟಿಗೆ ಹೊತ್ತ್… ಒಂದಸ್ಟ್ ಜನು ಪರಊರಿಗ್ ಹೊಯ್ಕ ಕರ್ನಾಟಿಕಿ ಹಾರಸ್ಕಾ ಇಂಗ್ರುಟಿ ಮಾಡ್ತ್ರ್ ಅಂದಳಿ… ನಮ ಭಾಷಿನಾ ಪರವೂರಗ್ ಮಾತಾಡ್ದೆ ಇಪ್ಪರ್ ಇಲ್ಲ ಮರ್ರೆ.. ದಿಲ್ಲಿಗ್ ಹೊರು… ಹೊಯ್ಕ್ ಬರ್ಕ್ ಅಂದ್ಕ ನಮ ಭಾಷಿ ಅಲ್ಲೂ ಘಮಗುಟ್ಟು ಹಾಂಗ್ ಮಾಡ್ತ್ರ್..

ನಮ ಭಾಷಿಂಗೆ ಅಷ್ಟ್ ಸಂಪತ್ತ ಇತ್ತ್.. ಎಂತ ಚಿನ್ನದ್ ಗೆಂಟ್??!! ಅಂದಕಂಡ್ ಬ್ಯಾಡಿ.. ನಮ ಭಾಷಿದು ಪದು ಭಂಡಾರ ಅಷ್ಟ್ ಸಾಪ್… ಮಾತ್ ಆಡುದ್ ಬಡ್ ಬಡ್ ಆರು.. ಕೇಂಬುಕ್ ಬಾರಿ ಸಾಪ್… ಒಂದ್ ನಮ್ನಿ ಚುರ್ಕ್ ನಮ ಭಾಷಿ….. ಕೆಲವಂದ್ ಮುಂಚಿನ್ ಕಾಲದ್ ನಮ ಹೆರಿಯರ್ ಮಾತಾಡುದ್ ಕೇಣಿ… ಯಾವ್ ಯಾವ್ ನಮ್ಮನಿ ಪದು ಇತ್ತ್… ಎಷ್ಟು ನಮ್ಮೂನಿ ಗಾದಿಗಳ್ ಇತ್ತ್… ಇತ್ತೀಚೆಗೆ… ಕೆಲವ್ ನಾವ್ ಉಪಯೋಗಿಸದ್ದೆ ಮೂಲಿಗ್ ಸೇರಿತ್.. ಅಂತವನ್ ನಾವ್ ಹೆಕ್ಕಿ ತೆಗ್ದ್ ನಮ ಮಾತ್ಕಥೆಗೆ ಸೇರ್ಸ್ತಾ ಹೊರೆ.. ಈಗ ಹುಟ್ಟಿ ಬೆಳದ್ ಮಕ್ಕಳಿಗೆ ನಮ ಭಾಷಿ ಎಷ್ಟು ಶ್ರೀಮಂತ ಇತ್ತ್ ಅಂದಳಿ ಗೊತ್ತ್ ಆತ್ತ್… ಆ ಜವಾಬ್ದಾರಿ ನಾವ್ ಮರುಕ್ ಇಲ್ಲ… ಈಗ…

ಏನೇ ಹೇಳಿ ಮರ್ರೆ… ಈ ಆಸಾಡಿ ದಿನದ ಒಟ್ಟಿಗ್ ನಮ ಭಾಷಿ ದಿನದ್ ಆಚರಣಿ ಒಂದ್ ನಮ್ಮೂನಿ ಹಬ್ಬ ಕಂಡಗ್ ಮಾಡುಕ್ ಹೊಯಿ… ನಮ ಊರ್ ಬದಿ ಆಚರಣಿ ಒಟ್ಟಿಗೆ… ನಮ ಭಾಷಿಗ್ ಇಪ್ಪು ಮೌಲ್ಯನ ಹೆಚ್ಸ್ತಇತ್ತ್… ನಮ ಕುಂದಾಪ್ರದ್ ಆಚಾರ-ವಿಚಾರ, ಹಬ್ಬು -ಹರಿದಿನ, ಭಾಷಿ-ಬದ್ಕ್ ಎಲ್ಲಾನು ಜಗತ್ತಿಗ್ ತೋರ್ಸುಕೆ… ಹೊಟ್ಟಿ ಪಾಡಿಗ್ ಪರ ಊರಿಗ್ ಹೊಯ್ ಬದ್ಕ್ ಕಟ್ಕಂಡರಿಗೂ… ಅಬ್ಬಿ ಮನೀ ಹಬ್ಬ ಕಂಡಂಗ್… ಊರ್ಮನೀ ನಾ ನೆನ್ಪ್ ಮಾಡ್ಕ… ಖುಷಿ ಪಡುಕ್ ಒಂದ್ ಅವಕಾಶು ಮಾಡಿಕೊಟ್ಟಂಗ್ ಆಯ್ತ್…

ಭಾಷಿ ಅಂಬುದ್ ಖಾಲಿ ನಮ್ಗ್ ಇನ್ನೊಬ್ರು ಒಟ್ಟಿಗೆ ಮಾತಾಡುಕ್ ಇಪ್ಪುದ್ ಅಷ್ಟೇ ಅಲ್ಲ… ಅದ್ರಗ್ ನಮ ಬದ್ಕ್ ಸೇರ್ಕ ಹೋಯಿರತ್… ಮನಷ ಎಷ್ಟೇ ದೊಡ್ ಜನ ಆಯ್ಲಿ ಏಗಳಿಕು ಹೆತ್ತ್ ಅಬ್ಬಿ… ಆಡು ಭಾಷಿ, ಹುಟ್ಟದ್ ಊರಿನ್ ಹಂಬ್ಲ್ ಬಿಡುಕ್ ಆಗ್ದೇ…. ಏನೇ ಹೇಳಿ…. ನಮ ಭಾಷಿ -ಬದ್ಕಿನ್ ಹಬ್ಬು… ನಮ್ಗ್ ಒಂದ್ ಖುಷಿಯೇ… ಪ್ರತಿವರ್ಷ… ಈ ಹಬ್ಬು ಇನ್ನೂ ಜೋರ್ ಆಯ್ಲಿ… ನಮ ಹಿರಿಕರ್ ಕಾಲದ್ ನಮ ಮುಂದ್ ಹುಟ್ಟು ಪೀಳಿಗೆಗ್ ಗೊತ್ತ್ ಆಯಲಿ… ಭಾಷಿ -ಬದ್ಕ್ ಎರ್ಡ್ ಹೀಗೆ… ಗೆಲಾದಗ್ ಇರ್ಲಿ…

ಹೊಯ್…. ಮಾತ್ ಮುಗ್ಸು ಮುಂಚೆ….. ನನ್ ಕಡಿಯಿಂದ ಪುರಾ ಜನಕು ವಿಶ್ವ ಕುಂದಾಪ್ರ ಕನ್ನಡ ದಿನದ್ ಶುಭಾಶಯಗಳು ಕಾಣಿ…

ಬಾರಿ ಸಾಪ್ ಕಾಣಿ ನಮ ಭಾಷಿ
ಏಗಳಿಕು ನಮ ಭಾಷಿ ನಮ್ಗ್ ಆಶಿ
ಹೊಯ್ ಎಲ್ ಹೊರು… ಹಂಬ್ಲ್
ಬಿಡ್ಬೇಡಿ… ನೀವು ನಮ ಕುಂದಾಪ್ರದರೆ..

-ಮಂಜುಳಾ. ಜಿ. ತೆಕ್ಕಟ್ಟೆ