ಕಾರ್ಕಳ: ಶಾರದಾ ಮಹಿಳಾ ಮಂಡಲ(ರಿ.) ಅನಂತಶಯನ ಕಾರ್ಕಳ ಇದರ ವತಿಯಿಂದ ಮಕ್ಕಳ ದಿನಾಚರಣೆ ಪ್ರಯುಕ್ತ ನಗರದ ಶಾಲಾ ವಿದ್ಯಾರ್ಥಿಗಳಿಗೆ ವಿವಿಧ ಸ್ಪರ್ಧೆಗಳನ್ನು ಆಯೋಜಿಸಲಾಯಿತು.

ಪುರಸಭಾ ಅಧ್ಯಕ್ಷೆ ಸುಮಾ ಕೇಶವ ಹಾಗೂ ಪೆರ್ವಾಜೆ ಶಾಲೆಯ ಮುಖ್ಯೋಪಾಧ್ಯಾಯಿನಿ ಲಕ್ಷ್ಮಿ ಹೆಗಡೆ ದೀಪ ಬೆಳಗಿಸಿ ಉದ್ಘಾಟನೆ ನೆರವೇರಿಸಿದರು.

ಕೋಶಾಧಿಕಾರಿ ಸಾವಿತ್ರಿ ಮನೋಹರ, ಉಮಾ ಕುಲಕರ್ಣಿ ಹಾಗೂ ಮಂಡಳಿಯ ಎಲ್ಲ ಸದಸ್ಯರು ಉಪಸ್ಥಿತರಿದ್ದರು.

ಶೈಲಜಾ ವಿ ಮೂರ್ತಿ, ಭಾರತಿ ಅಮೀನ್ ಪ್ರಾರ್ಥಿಸಿದರು. ಅಧ್ಯಕ್ಷೆ ವಾರಿಜಾ ಕಾಮತ್ ಸ್ವಾಗತಿಸಿ, ಉಪಾಧ್ಯಕ್ಷೆ ಉಮಾ ಚಿಪ್ಳೂಣಕರ್ ವಂದಿಸಿದರು. ರೂಪಾ ಶರ್ಮ ಹಾಗೂ ಜ್ಯೋತಿ ಫಾಟಕ್ ಕಾರ್ಯಕ್ರಮ ನಿರೂಪಿಸಿದರು.