ಉಡುಪಿ: ಬಿಜೆಪಿಯ ಮುಖವಾಣಿ ಈಶ್ವರಪ್ಪ ಕಾಂಗ್ರೆಸ್ ನಾಯಕರನ್ನು ಠೀಕಿಸುವ ಭರದಲ್ಲಿ ಬಳಸಿರುವ ಆವ್ಯಾಚ್ಯ ಶಬ್ದಗಳು ಆ ಪಕ್ಷದ ರಾಜಕೀಯ ಸಂಸ್ಕೃತಿಯ ಪ್ರತೀಕ. ಹಾಗಲ್ಲದಿದ್ದಲ್ಲಿ ಪಕ್ಷ ಕೂಡಲೇ ಅವರ ವಿರುಧ್ದ ಶಿಸ್ತುಕ್ರಮ ಕೈಗೊಂಡು ತನ್ನ ಸಾಚಾತನ ಸಾಬೀತು ಪಡಿಸಲಿ ಎಂದು ಉಡುಪಿ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಅಶೋಕ್ ಕುಮಾರ್ ಕೊಡವೂರು ಹೇಳಿದ್ದಾರೆ.

ನಾಲಿಗೆ ವ್ಯಕ್ತಿಯ ಸಂಸ್ಕಾರಕ್ಕೆ ಸಾಕ್ಷಿ. ಸಂಸ್ಕಾರ ಹೀನ ಭಾಷಾ ಪ್ರಯೋಗ ಈಶ್ವರಪ್ಪ ಪಾಲಿಗೆ ಇದು ಹೊಸತಲ್ಲ. ಮಾತಿನಿಂದಲೇ ಮನೆಕಟ್ಟಿ ಮೆರೆಯುತ್ತಿರುವ ಬಿಜೆಪಿಯಲ್ಲಿ ಈಶ್ಪರಪ್ಪ ತನ್ನ ಅಸ್ಥಿತ್ವಕ್ಕಾಗಿ ನಾಲಿಗೆಯನ್ನು ಹರಿಬಿಟ್ಟು ಪಕ್ಷ ನಾಯಕರಿಂದ ಭೇಷ್ ಹೇಳಿಸಿಕೊಳ್ಳಲು ನೋಡುತ್ತಿದ್ದಾರೆ. ಇಂತಹ ಸಂಸ್ಕಾರಹೀನ ನಾಲಿಗೆಗಳು ಇವತ್ತಿನ ರಾಜಕಿಯ ಕ್ಷೇತ್ರವನ್ನು ಕುಲಕೆಡಿಸುತ್ತಿವೆ ಎನ್ನುವುದಕ್ಕೆ ಈಶ್ವರಪ್ಪರ ವರ್ತನೆ ಒಂದು ಸಾಕ್ಷಿಯಾಗಿದೆ. ಆ ನೆಲೆಯಲ್ಲಿ ಕಾಂಗ್ರೆಸ್ ಪಕ್ಷ ಅಪರ ಮನಸ್ಥಿತಿಯ ಇಂತಹ ರಾಜಕೀಯ ವ್ಯಕ್ತಿಗಳ ಅಸಾಂವಿಧಾನಿಕ ಭಾಷೆ ಖಂಡಿಸುತ್ತದೆ ಎಂದು ಅಶೋಕ್ ಕುಮಾರ್ ಕೊಡವೂರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.