ಮಂಗಳೂರು, ನ.2: ಮಂಗಳೂರು ವಕೀಲರ ಸಂಘ (ರಿ.) ಹಾಗೂ ವಕೀಲರ ವಾಹಿನಿ ಸಹಯೋಗದಲ್ಲಿ ಆಯೋಜಿಸಲಾದ ‘ವಕೀಲ ಭೂಷಣ 2026’ ಪ್ರಶಸ್ತಿ ಪ್ರದಾನ ಸಮಾರಂಭ ಅಕ್ಟೋಬರ್ 31ರಂದು ಮಂಗಳೂರು ವಕೀಲರ ಸಂಘದ ಸಮ್ಮೇಳನ ಸಭಾಂಗಣದಲ್ಲಿ ನಡೆಯಿತು.

ಮಂಗಳೂರಿನ ಹಿರಿಯ ವಕೀಲರಾದ ಎಂ.ವಿ. ಶಂಕರ್ ಭಟ್* ಅವರಿಗೆ ವಕೀಲ ಭೂಷಣ 2026’ ಪ್ರಶಸ್ತಿ ಪ್ರದಾನ ಮಾಡಿ ಸನ್ಮಾನಿಸಲಾಯಿತು. ಮಂಗಳೂರಿನ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರಾದ (ಪ್ರಭಾರ) ಮಾನು ಕೆ.ಎಸ್. ಅವರು ಗೌರವ ಅತಿಥಿಗಳಾಗಿ ಭಾಗವಹಿಸಿದ್ದರು.

ಕುಂದಾಪುರದ ವಕೀಲರಾದ ಎ.ಎಸ್.ಎನ್. ಹೆಬ್ಬಾರ್, ವಕೀಲರ ವಾಹಿನಿಯ ಪ್ರಧಾನ ಸಂಪಾದಕ ಹಾಗೂ ಹಿರಿಯ ವಕೀಲ ಎಸ್.ಎನ್. ಪ್ರಶಾಂತ್ ಚಂದ್ರ, ಸಂಪಾದಕ ಮತ್ತು ಪ್ರಕಾಶಕ ಡಾ. ಡಿ.ಎಂ. ಹೆಗಡೆ, ಸಹ ಸಂಪಾದಕ ಚಂದ್ರಕಾಂತ ಕೆ. ಪಾಟೀಲ ಹಾಗೂ ಬೆಂಗಳೂರಿನ ವಕೀಲ ಬಿ. ವೆಂಕಟ ಕೃಷ್ಣ ಅವರು ಅತಿಥಿಗಳಾಗಿ ಉಪಸ್ಥಿತರಿದ್ದರು.

ಮಂಗಳೂರು ವಕೀಲರ ಸಂಘದ ಅಧ್ಯಕ್ಷ ಜಗದೀಶ್ ಕೆ. ಶೇಣವ ಅವರು ಸಮಾರಂಭದ ಅಧ್ಯಕ್ಷತೆ ವಹಿಸಿದ್ದರು. ಸಂಘದ ಪ್ರಧಾನ ಕಾರ್ಯದರ್ಶಿ ಗೌತಮ್ ಬಿ.ಪಿ., ಹಿರಿಯ ಕಿರಿಯ ವಕೀಲರು ಉಪಸ್ಥಿತರಿದ್ದರು.