ಕಾರ್ಕಳ, ಫೆ.2: ಮಣಿಪಾಲದ ಟಿಎಪೈ ಮ್ಯಾನೇಜ್ಮೆಂಟ್ ಇನ್ಟ್ಸಿಟ್ಯೂಟ್ (ಟ್ಯಾಪ್ಮಿ) ಆಯೋಜಿಸಿದ್ದ ಅಂತರ ಕಾಲೇಜು ಉತ್ಸವವಾದ ಅಥರ್ವದಡಿಯಲ್ಲಿ ನಡೆದ ವೈಬ್ಸ್ (ಗ್ರೂಪ್ ಡ್ಯಾನ್ಸ್ ಸ್ಪರ್ಧೆ) ಯಲ್ಲಿ ಕಲಾಂಜಲಿಯ ಫ್ರೀಸ್ಟೈಲ್ ನೃತ್ಯ ತಂಡವಾದ ರಿಪಲ್ ಫ್ಯಾಕ್ಟರ್ ಕ್ರೂ ಪ್ರಥಮ ಸ್ಥಾನವನ್ನು ತನ್ನದಾಗಿಸಿಕಂಡಿತು. ತಂಡವು ವೀಡಿಯೊ ಸುತ್ತಿನ ಮೂಲಕ ಮುನ್ನಡೆದು, ಸೆಮಿಫೈನಲ್ ನಲ್ಲಿ ಅಗ್ರ 8 ತಂಡಗಳಲ್ಲಿ ಸ್ಥಾನ ಗಳಿಸಿತು ಮತ್ತು ನಂತರ ಅಗ್ರ 4 ತಂಡಗಳ ಪೈಕಿ ಗುರುತಿಸಿಕೊಂಡು ಫೈನಲ್ ಗೆ ಅರ್ಹತೆ ಪಡೆದಿತು. ಅಂತಿಮ ಮುಖಾಮುಖಿ ಸುತ್ತಿನಲ್ಲಿ, ರಿಪಲ್ ಫ್ಯಾಕ್ಟರ್ ಪ್ರಬಲ ಪ್ರದರ್ಶನ ನೀಡಿ ಚಾಂಪಿಯನ್ ಆಗಿ ಹೊರಹೊಮ್ಮಿತು.