ಉಡುಪಿ, ಆ.19: ಕನ್ನಡ ಸಿನಿಮಾರಂಗದ ಹಿರಿಯ ನಟ ರಮೇಶ್ ಭಟ್ ಅವರು ತಾವು ಬರೆದ ಗೀತಾಲೇಖನವನ್ನು ರಾಜಾಂಗಣದಲ್ಲಿ ಪರ್ಯಾಯ ಶ್ರೀಗಳಿಗೆ ಸಮರ್ಪಿಸಿದರು. ಕಿರಿಯ ಶ್ರೀಪಾದರು ಉಪಸ್ಥಿತರಿದ್ದರು. ಎಂಬತ್ತರ ಈ ಪ್ರಾಯದಲ್ಲಿ ರಮೇಶ್ ಭಟ್ ಅವರು ಗೀತೆ ಬರೆದದ್ದು ಬಹಳ ಸಂತೋಷದ ವಿಷಯ. ಚಲನಚಿತ್ರ ರಂಗದವರೂ ಕೂಡಾ ನಮ್ಮ ಕೋಟಿ ಗೀತಾಲೇಖನ ಯಜ್ಞದಲ್ಲಿ ಭಾಗವಹಿಸಲು ಪ್ರೇರಣೆ ನೀಡಿದಂತಾಯಿತು ಎಂದು ಶ್ರೀಪಾದರು ಆಶೀರ್ವದಿಸಿದರು. ರಮೇಶ್ ಭಟ್ ದಂಪತಿಗಳಿಗೆ ಶ್ರೀ ಕೃಷ್ಣಾನುಗ್ರಹ ಪ್ರಶಸ್ತಿ ನೀಡಲಾಯಿತು.