ಉಡುಪಿ, ಏ.13: ಉಡುಪಿ ನಗರಸಭೆಯ ಗೋಪಾಲಪುರ ವಾರ್ಡ್ ನಲ್ಲಿ ಉಡುಪಿ ನಗರಸಭೆಯ ವತಿಯಿಂದ ದಿನನಿತ್ಯ ವ್ಯವಸ್ಥಿತವಾಗಿ ಹಸಿ ಕಸ, ಒಣ ಕಸ ಸಂಗ್ರಹಣೆ ಮತ್ತು ವಿಲೇವಾರಿ ನಡೆಯುತ್ತಿದೆ. ಆದರೂ ಪರಿಸರದ ಸೌಂದರ್ಯವನ್ನು ಕೆಲವು ಕಿಡಿಗೇಡಿಗಳು ನಿರಂತರವಾಗಿ ಕೆಡಿಸುತ್ತಿದ್ದಾರೆ. ಪ್ರತಿಯೊಂದು ಮನೆಯಿಂದ ನಗರಸಭೆಯ ವಾಹನಕ್ಕೆ ಕಸ ನೀಡುತ್ತಿದ್ದರೂ ಸುತ್ತಮುತ್ತಲಿನ ಕೆಲವರು ಗೋಪಾಲಪುರ ನಾಲ್ಕನೇ ಮುಖ್ಯರಸ್ತೆಯ ೨ನೇ ಅಡ್ಡರಸ್ತೆಯ ಇಕ್ಕೆಲಗಳಲ್ಲಿ ತ್ಯಾಜ್ಯವನ್ನು ಸುರಿದು ಈ ಪ್ರದೇಶವನ್ನು ಡಂಪಿಂಗ್ ಯಾರ್ಡ್ ರೀತಿ ಮಾಡಿದ್ದಾರೆ. ಈ ಪರಿಸರದಲ್ಲಿ ಸಿಸಿಟಿವಿ ವ್ಯವಸ್ಥೆಯನ್ನು ಮಾಡುವ ಮೂಲಕ ಕಿಡಿಗೇಡಿಗಳನ್ನು ಪತ್ತೆಹಚ್ಚಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.