ಮಂಗಳೂರು, ಜೂ.27: ಮಹಿಳಾ ಸಬಲೀಕರಣ ಯೋಜನೆಯಡಿಯಲ್ಲಿ ರಚಿತವಾದ ಲಿಂಗ ಸಮಾನತಾ ಪ್ರೇರಕ ತಂಡಕ್ಕೆ ಲಿಂಗ ಸಮಾನತೆಯ ಕುರಿತು ಕಾರ್ಯಗಾರವನ್ನು ಸಿಒಡಿಪಿ ಸಂಸ್ಥೆಯ ಐಎಸ್‌ಡಿ ಹಾಲ್ನಲ್ಲಿ ಆಯೋಜಿಸಲಾಯಿತು. ಸಭೆಯ ಅದ್ಯಕ್ಷತೆಯನ್ನು ಸಿಒಡಿಪಿ ಸಂಸ್ಥೆಯ ನಿರ್ದೇಶಕರಾದ ವಂದನೀಯ ಫಾದರ್ ವಿನ್ಸೆಂಟ್ ಡಿಸೋಜರವರು ವಹಿಸಿದ್ದರು. ಸಂಪನ್ಮೂಲ ವ್ಯಕ್ತಿಗಳಾಗಿ ಡೀಡ್ಸ್ ಸಂಸ್ಥೆಯ ತುಕರಾಮ್ ತರಬೇತಿಯನ್ನು ನೀಡಿದರು. ಗಂಡು-ಹೆಣ್ಣಿನ ಮೇಲಿನ ಮನೋಭಾವ, ತಾರತಮ್ಯತೆ ಸಮಾಜದಲ್ಲಾಗಬೇಕಾದ ಬದಲಾವಣೆಯ ಕುರಿತು ಮಾಹಿತಿ ನೀಡಿ ಗುಂಪು ಚಟುವಟಿಕೆಗಳ ಮೂಲಕ ಲಿಂಗಸಮಾನತೆಯ ಕುರಿತು ತರಬೇತಿ ನೀಡುವ ವಿಧಾನವನ್ನು ತಿಳಿಸಿಕೊಟ್ಟರು. ಕಾರ್ಯಗಾರದಲ್ಲಿ ೪೦ ಮಂದಿ ಒಕ್ಕೂಟ/ ಮಹಾಸಂಘದ ಮಹಿಳೆಯರು ಭಾಗವಹಿಸಿದ್ದರು. ಸಂಸ್ಥೆಯ ಸಹ ನಿರ್ದೇಶಕರಾದ ವಂದನೀಯ ಫಾದರ್ ಲಾರೆನ್ಸ್ ಕುಟಿನ್ಹಾ, ಮಹಿಳಾ ಸಬಲೀಕರಣ ಯೋಜನಾ ಸಂಯೋಜಕಿ ಸುಪ್ರಿಯಾ ಹಾಗೂ ಕಾರ್ಯಕರ್ತರು ಉಪಸ್ಥಿತರಿದ್ದರು.