ಉಡುಪಿ: ದೇಶದ ಏಕೈಕ ಫೋಟೋಗ್ರಫಿ ಅಕಾಡೆಮಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಆಂಧ್ರ ಪ್ರದೇಶ ಫೋಟೋಗ್ರಫಿ ಅಕಾಡೆಮಿ ದೇಶದ ಪ್ರಸಿದ್ಧ ಛಾಯಾಚಿತ್ರ ಕಲಾವಿದರ ಕೃತಿಗಳ ಪುಸ್ತಕವನ್ನು ತರುತ್ತಿದ್ದು, ಆ ಸರಣಿಯಲ್ಲಿ ಕರ್ನಾಟಕ ರಾಜ್ಯದ ಏಕೈಕ ಪತ್ರಿಕಾ ಛಾಯಾಗ್ರಾಹಕ ಉದಯವಾಣಿಯ ಆಸ್ಟ್ರೊ ಮೋಹನ್ ಅವರ ಪುಸ್ತಕ “ಆಸ್ಟ್ರಲ್ ಕೊಲಾಜ್ ರೆಸೆಮ್ಬ್ಲಿಂಗ್ ದಿ ಸ್ಟಾರ್ಸ್” ಪ್ರಕಾಶಿಸಿದೆ. ಆ 19ರ ವಿಶ್ವ ಛಾಯಾಗ್ರಹಣ ದಿನದಂದು ಈ ಕೃತಿಗಳನ್ನು ಲೋಕಾರ್ಪಣೆ ಮಾಡಲಿದೆ.
ಕೆ. ಜಿ. ಮಹೇಶ್ವರಿ, ಡಾ. ಓ.ಪಿ. ಶರ್ಮಾ, ಶಿವಜೀ, ಮುಖೇಶ್ ಪರ್ಪಿಯಾನಿ ಮೊದಲಾದ ಪ್ರಸಿದ್ಧ ಛಾಯಾಚಿತ್ರ ಕಲಾವಿದರ ಕೃತಿಗಳೂ ಈ ಸರಣಿಯಲ್ಲಿ ಪ್ರಕಟವಾಗುತ್ತಿವೆ. 1965ರಲ್ಲಿ ಸ್ಥಾಪಿತವಾದ ಆಂಧ್ರ ಪ್ರದೇಶ ಫೋಟೋಗ್ರಫಿ ಅಕಾಡೆಮಿ ಅಂದಿನಿಂದ ಛಾಯಾಚಿತ್ರ ಕಲಾವಿದರ ಒಳಿತಿಗಾಗಿ ಶ್ರಮಿಸುತ್ತಿದೆ.
