ಯು.ಬಿ.ಎನ್.ಡಿ., ನ.8: ಇಂಡಿಯನ್ ಪ್ರೀಮಿಯರ್ ಲೀಗ್‌ನ 2025 ರ ಮೆಗಾ ಹರಾಜು ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನವೆಂಬರ್ 24 ಮತ್ತು 25 ರಂದು ನಡೆಯಲಿದೆ. ಸೌದಿ ಅರೇಬಿಯಾದ ಭಾರತೀಯ ರಾಯಭಾರಿ ಡಾ. ಸುಹೇಲ್ ಅಜಾಜ್ ಖಾನ್ ಅವರು ಈ ಮಾಹಿತಿಯನ್ನು ನೀಡಿ ಇದನ್ನು ಸ್ವಾಗತಿಸಿದರು. ಇದು ಸೌದಿ-ಭಾರತದ ಸಂಬಂಧಗಳಲ್ಲಿ ಐತಿಹಾಸಿಕ ಬೆಳವಣಿಗೆ ಎಂದು ಬಣ್ಣಿಸಿದರು. 1,165 ಭಾರತೀಯ ಮತ್ತು 409 ಅಂತಾರಾಷ್ಟ್ರೀಯ ಕ್ರಿಕೆಟಿಗರನ್ನು ಒಳಗೊಂಡಂತೆ ಒಟ್ಟು 1,574 ಆಟಗಾರರು ನವೆಂಬರ್ 4 ರ ಗಡುವಿನೊಳಗೆ ಹರಾಜಿಗೆ ನೋಂದಾಯಿಸಿಕೊಂಡಿದ್ದಾರೆ.