ಯು.ಬಿ.ಎನ್.ಡಿ., ಅ.5: ಅಬುಧಾಬಿಯ ಖಲೀಫಾ ಬಿನ್ ಜಾಯೆದ್ ಕ್ರೀಡಾಂಗಣದಲ್ಲಿ ನಡೆದ ಅಲ್ ಐನ್ ಮಾಸ್ಟರ್ಸ್ 2025 ಬ್ಯಾಡ್ಮಿಂಟ್ನ್ ಮಹಿಳಾ ಸಿಂಗಲ್ಸ್ ಮತ್ತು ಪುರುಷರ ಡಬಲ್ಸ್ ಪ್ರಶಸ್ತಿಗಳನ್ನು ಭಾರತೀಯ ಶಟ್ಲರ್ ಗಳು ಗೆದ್ದಿದ್ದಾರೆ. ಪುರುಷರ ಡಬಲ್ಸ್ ನಲ್ಲಿ, ಭಾರತದ ಹರಿಹರನ್ ಅಮ್ಸಕರುಣನ್ ಮತ್ತು ಅರ್ಜುನ್ ಮದತಿಲ್ ರಾಮಚಂದ್ರನ್ ಜೋಡಿ ಫೈನಲ್ ನಲ್ಲಿ ಇಂಡೋನೇಷ್ಯಾದ ರೇಮಂಡ್ ಇಂದ್ರ ಮತ್ತು ನಿಕೋಲಸ್ ಜೋಕ್ವಿನ್ ಅವರನ್ನು 21-17, 21-18 ನೇರ ಸೆಟ್ ಗಳಿಂದ ಸೋಲಿಸಿತು.

ಇದಕ್ಕೂ ಮೊದಲು, ಉದಯೋನ್ಮುಖ ಭಾರತೀಯ ಶಟ್ಲರ್ ಶ್ರೀಯಾನ್ಶಿ ವಲಿಶೆಟ್ಟಿ ಮಹಿಳಾ ಸಿಂಗಲ್ಸ್ ಟ್ರೋಫಿಯನ್ನು ಗೆದ್ದರು. ಆಲ್-ಇಂಡಿಯನ್ ಫೈನಲ್ ನಲ್ಲಿ, ಶ್ರೀಯಾನ್ಶಿ ತನ್ನ ದೇಶಬಾಂಧವ ತಸ್ನಿಮ್ ಅವರನ್ನು 15-21, 22-20, 22-20 ಅಂತರದಲ್ಲಿ ಸೋಲಿಸಿದರು.