ಟೋಕಿಯೊ: ಟೋಕಿಯೊ ಒಲಿಂಪಿಕ್ಸ್ ಪುರುಷರ ಕುಸ್ತಿ 57 ಕೆಜಿ ಫ್ರೀಸ್ಟೈಲ್ ವಿಭಾಗದ ಫೈನಲ್ ಪಂದ್ಯದಲ್ಲಿ ರವಿ ಕುಮಾರ್ ದಹಿಯಾ ಬೆಳ್ಳಿ ಪದಕ ಗೆದ್ದಿದ್ದಾರೆ. ಆರ್.ಓ.ಸಿ (ರಷ್ಯನ್ ಒಲಿಂಪಿಕ್ ಕಮಿಟಿ) ಇದರ ಜಾವುರ್ ವಿರುದ್ಧದ ಪಂದ್ಯದಲ್ಲಿ ರವಿ ಕುಮಾರ್ ದಹಿಯಾ 4-7 ಅಂತರದಲ್ಲಿ ಪರಾಭವಗೊಂಡು ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದರು.

ರವಿ ಕುಮಾರ್ ಪ್ರಬಲ ಹೋರಾಟ ನೀಡಿದ್ದರೂ ಬಲಿಷ್ಠ ಎದುರಾಳಿ ರವಿ ಕುಮಾರ್ ಅಂಕ ಗಳಿಸಲು ತಡೆಯೊಡ್ಡಿದರು. ಪಂದ್ಯದ ಅಂತಿಮ ಕ್ಷಣದಲ್ಲಿ ಜಾವುರ್ 7-2 ಮುನ್ನಡೆ ಕಾಯ್ದುಕೊಂಡಿದ್ದರು. ಕೊನೆ ಕ್ಷಣದಲ್ಲಿ ಸತತ ಎರಡು ಪಾಯಿಂಟ್ ಗಳನ್ನು ಗಳಿಸಿದ ರವಿ ಕುಮಾರ್ ಅಂತಿಮವಾಗಿ 4-7 ಅಂತರದಲ್ಲಿ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟರು.