ನವದೆಹಲಿ, ಫೆ.14: ಪ್ರಧಾನ ಮಂತ್ರಿಗಳ ಕಚೇರಿ (ಪಿಎಂಒ) ಮತ್ತು ಕೇಂದ್ರ ಸಚಿವಾಲಯದ ಗುರುತು ಹೊಂದಿರುವ ಹೊಸ ಕಟ್ಟಡಗಳು ವಿಕಸಿತ್ ಭಾರತದ ಪಯಣದಲ್ಲಿ ಒಂದು ಪ್ರಮುಖ ಮೈಲಿಗಲ್ಲು ಮತ್ತು ಅವು ನಾಗರಿಕ ಕೇಂದ್ರಿತ ಆಡಳಿತ ಮತ್ತು ರಾಷ್ಟ್ರೀಯ ಪ್ರಗತಿಗೆ ಸರ್ಕಾರದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತವೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದರು. ಪ್ರಧಾನಿ ಕಚೇರಿ ಸೇವಾ ತೀರ್ಥ ಮತ್ತು ಕೇಂದ್ರ ಸಚಿವಾಲಯದ ಎರಡು ಕಟ್ಟಡಗಳಾದ ಕರ್ತವ್ಯ ಭವನ 1 ಮತ್ತು 2 ಉದ್ಘಾಟಿಸಿ ಅವರು ಮಾತನಾಡಿದರು.

ಬ್ರಿಟಿಷ್ ಯುಗದಲ್ಲಿ ನಿರ್ಮಿಸಲಾದ ಸೌತ್ ಬ್ಲಾಕ್ ಮತ್ತು ನಾರ್ತ್ ಬ್ಲಾಕ್‌ನಿಂದ ಸ್ಥಳಾಂತರಗೊಂಡಿದ್ದು ವಸಾಹತುಶಾಹಿ ಮನಸ್ಥಿತಿಯ ಪ್ರತಿಯೊಂದು ಕುರುಹುಗಳನ್ನು ತೆಗೆದುಹಾಕಲು ಅತ್ಯಗತ್ಯ ಎಂದು ಹೇಳಿದರು.

ಕಳೆದ 11 ವರ್ಷಗಳಲ್ಲಿ ಹೊಸ ಮಾದರಿಯ ಆಡಳಿತ ಹೊರಹೊಮ್ಮಿದೆ ಎಂದು ಮೋದಿ ಹೇಳಿದರು, ಈ ವ್ಯವಸ್ಥೆಯಲ್ಲಿ ನಾಗರಿಕನು ನಿರ್ಧಾರ ತೆಗೆದುಕೊಳ್ಳುವ ಕೇಂದ್ರದಲ್ಲಿದ್ದಾನೆ.

ನಾಗರಿಕ ದೇವೋ ಭವ )ನಾಗರಿಕ ದೇವರಿಗೆ ಸಮಾನ) ಎಂಬುದು ಕೇವಲ ಒಂದು ಪದಗುಚ್ಛವಲ್ಲ, ಬದಲಾಗಿ ಕೆಲಸದ ಸಂಸ್ಕೃತಿಯಾಗಿದ್ದು, ಅಧಿಕಾರಿಗಳು ಈ ಹೊಸ ಕಟ್ಟಡಗಳನ್ನು ಪ್ರವೇಶಿಸುವಾಗ ಅದನ್ನು ಅಳವಡಿಸಿಕೊಳ್ಳಬೇಕು ಎಂದು ಪ್ರಧಾನಿ ಹೇಳಿದರು.