ಉಡುಪಿ, ಜೂ.14: ಶಂಕರನಾರಾಯಣ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲಾ ವಿದ್ಯಾರ್ಥಿಗಳಿಗೆ ದಾನಿಗಳಿಂದ ನೀಡಲ್ಪಟ್ಟ ನೋಟ್ ಪುಸ್ತಕ ಮತ್ತು ಟಿ-ಶರ್ಟ್ ವಿತರಣಾ ಕಾರ್ಯಕ್ರಮ ಶಂಕರನಾರಾಯಣ ಹಿರಿಯ ಪ್ರಾಥವಿಕ ಶಾಲೆಯಲ್ಲಿ ನಡೆಯಿತು. ಮುಖ್ಯ ಶಿಕ್ಷಕಿ ಅನ್ನಪೂರ್ಣ ರಾವ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದರು. ಶ್ಯಾಮ ಉಡುಪ ನ್ಯೂಟ್ರಿ ಫೀಡ್ಸ್ ಬೆಂಗಳೂರು ಇವರು ಎಲ್‌ಕೆಜಿಯಿಂದ 7ನೇ ತರಗತಿಯ ವರೆಗಿನ ಕನ್ನಡ ಹಾಗೂ ಇಂಗ್ಲೀಷ್ ಮಾಧ್ಯಮದ ಎಲ್ಲಾ ವಿಧ್ಯಾರ್ಥಿಗಳಿಗೆ ಸುಮಾರು ಒಂದು ಲಕ್ಷ ರೂ ಮೌಲ್ಯದ ಟಿ-ಶರ್ಟ್ನ್ನು ಉಚಿತವಾಗಿ ನೀಡಿದ್ದು ಶುಭ ಹಾರೈಸಿದರು. ಎಲ್.ಕೆ.ಜಿ ಯಿಂದ 7ನೇ ತರಗತಿ ವರೆಗಿನ ಕನ್ನಡ ಹಾಗೂ ಇಂಗ್ಲೀಷ್ ಮಾಧ್ಯಮದ ಎಲ್ಲಾ ವಿದ್ಯಾರ್ಥಿಗಳಿಗೆ ನೋಟ್ ಪುಸ್ತಕ ಹಾಗೂ
ಲೇಖನ ಸಾಮಗ್ರಿಗಳನ್ನು ದಿನೇಶ್ ಯಡೇರಿ ಹಾಗೂ ಸಹೋದರರು ಉಚಿತವಾಗಿ ನೀಡಿದರು. ಸರಕಾರದಿಂದ ನೀಡಿರುವ ಪಠ್ಯಪುಸ್ತಕವನ್ನು ವಿತರಿಸಲಾಯಿತು. ಕಾರ್ಯಕ್ರಮದಲ್ಲಿ ದಾನಿಗಳಾದ ಶ್ಯಾಮ ಉಡುಪ ದಂಪತಿ ಹಾಗೂ ದಿನೇಶ ಯಡೇರಿ ಸಹೋದರರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷರು ಮತ್ತು ಸದಸ್ಯರು, ಪೋಷಕರು, ಶಾಲಾ ಶಿಕ್ಷಕ ವೃಂದದವರು ಉಪಸ್ಥಿತರಿದ್ದರು.