ಉಡುಪಿ, ಅ.3: ಕರ್ನಾಟಕ ರಕ್ಷಣಾ ವೇದಿಕೆ ಉಡುಪಿ ತಾಲೂಕು ಘಟಕದ ವತಿಯಿಂದ ನೂತನ ಕರವೇ ಕಾರ್ಯಕರ್ತರ ಸೇರ್ಪಡೆ ಮತ್ತು ಅಭಿನಂದನಾ ಸಮಾರಂಭವು ಹೋಟೆಲ್ ಕಿದಿಯೂರು ವಾಸುಕಿ ಸಭಾಂಗಣದಲ್ಲಿ ನಡೆಯಿತು. ಪ್ರಮುಖರಾದ ಸಿದ್ದಬಸಯ್ಯ ಸ್ವಾಮಿ ಚಿಕ್ಕಮಠ, ಜ್ಯೋತಿ ಗಿರೀಶ್ ಪೂಜಾರಿ, ವಿಶ್ವನಾಥ ರೆಡ್ಡಿ ಬಿರಾದಾರ್, ಕುಮಾರ್ ಪ್ರಸಾದ್, ವಿಠ್ಠಲ್ ಗೌಡರ್, ಮಹೇಶ್ ಗುಂಡಿಬೈಲು, ಆನಂದ್, ಮೊದಲಾಗಿ ಹಲವಾರು ಸೇರ್ಪಡೆಗೊಂಡರು.

ಅಧ್ಯಕ್ಷತೆಯನ್ನು ಕರವೇ ಜಿಲ್ಲಾ ಉಪಾಧ್ಯಕ್ಷ ಕುಶಾಲ್ ಅಮೀನ್ ವಹಿಸಿದ್ದರು, ಪ್ರಾಸ್ತಾವಿಕವಾಗಿ ತಾಲೂಕು ಅಧ್ಯಕ್ಷ ಅ ರಾ. ಪ್ರಭಾಕರ್ ರಾಜ್ ಪೂಜಾರಿ ಮಾತನಾಡಿದರು. ತಾಲೂಕು ಮಹಿಳಾ ಅಧ್ಯಕ್ಷೆ ಮಮತಾ ನಾಯಕ್ ಉಪಸ್ಥಿತಿಯೊಂದಿಗೆ 25 ಕ್ಕಿಂತಲೂ ಹೆಚ್ಚು ಜನರನ್ನು ತಾಲೂಕು ಘಟಕಕ್ಕೆ ಪ್ರಮುಖರ ಸಮ್ಮುಖದಲ್ಲಿ ಸೇರ್ಪಡೆಗೊಳಿಸಲಾಯಿತು. ಜಯಚಿತ್ರಾ ಸ್ವಾಗತಿಸಿ, ಅನುಷಾ ಆಚಾರ್ಯ ಕಾರ್ಯಕ್ರಮ ನಿರೂಪಿಸಿದರು. ಜಿಲ್ಲಾ ಕಾರ್ಯದರ್ಶಿ ಅವಿನಾಶ್ ಶೆಟ್ಟಿ ವಂದನೆಗೈದರು.