ಶಂಕರನಾರಾಯಣ, ಸೆ. 7: ಸಮೃದ್ಧಿ ಯುವಕ ಮಂಡಲ (ರಿ.) ಕುಳುಂಜೆ, ಶಂಕರನಾರಾಯಣ ಇದರ ವತಿಯಿಂದ ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮ ಸಮೃದ್ಧಿ ಯುವಕ ಮಂಡಲದ ಸಭಾಂಗಣದಲ್ಲಿ ನಡೆಯಿತು. ಸಮೃದ್ಧಿ ಯುವಕ ಮಂಡಲದ ಪೂರ್ವಾಧ್ಯಕ್ಷರು ಹಾಗೂ ಗ್ರಾಮ ಪಂಚಾಯತ್ ಮಾಜಿ ಸದಸ್ಯರಾದ ರಘುರಾಮ ಕುಳುಂಜೆ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಯಕ್ಷಸಿರಿ ಶಂಕರನಾರಾಯಣ ಇದರ ಸಂಚಾಲಕರು ಹಾಗೂ ಉಪನ್ಯಾಸಕರಾದ ಕಿಶೋರ್ ಕುಮಾರ್ ಆರೂರು ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು.

ಶಂಕರನಾರಾಯಣದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕುಳುಂಜೆ ಇದರ ಶಿಕ್ಷಕ ಸುರೇಶ್ ನಾಯ್ಕ್ ಇವರನ್ನು ಅಭಿನಂದಿಸಲಾಯಿತು. ಯುವಕ ಮಂಡಲದ ಮಾಜಿ ಅಧ್ಯಕ್ಷರಾದ ಗೋಪಾಲ ಎಲ್ಮಣ್ಣು, ರಾಘವೇಂದ್ರ ತಲ್ಲಂಜೆ, ಸದಸ್ಯರಾದ ಕೇಶವ ಮಕ್ಕಿಮನೆ, ದೇವೇಂದ್ರ ನಾಯ್ಕ, ಶರತ್ ಗೊಲ್ಲ, ಚಂದ್ರ ಬಿ, ಮಹೇಶ್, ರಕ್ಷಿತ್ ಉಪಸ್ಥಿತರಿದ್ದರು. ಪ್ರವೀಣ್ ಬಾಳೆಕೊಡ್ಲು ಸ್ವಾಗತಿಸಿದರು. ಪೂರ್ವಾಧ್ಯಕ್ಷರಾದ ಯೋಗೀಶ್ ದೇವಾಡಿಗ ನಿರೂಪಿಸಿ, ನಿತಿನ್ ಬಾಳೆಕೊಡ್ಲು ವಂದಿಸಿದರು.