ಬ್ರಹ್ಮಾವರ, ಏ. 5: ಎಸ್ಎಂಎಸ್ ಕಾಲೇಜ್ ಬ್ರಹ್ಮಾವರ ಇದರ ರೋವರ್ಸ್ ರೇಂಜರ್ಸ್ ಘಟಕದ ವತಿಯಿಂದ ಸ್ಕೌಟ್ ಕೌಶಲ್ಯದ ಕುರಿತು ಒಂದು ದಿನದ ಕಾರ್ಯಗಾರ ನಡೆಯಿತು. ಕಾರ್ಯಗಾರದ ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ ಡಾ. ಮಂಜುನಾಥ್ ಉಡುಪ ಕೆ ವಹಿಸಿಕೊಂಡಿದ್ದರು. ಸಂಪನ್ಮೂಲ ವ್ಯಕ್ತಿಯಾಗಿ ಭಾರತ್ ಸ್ಕೌಟ್ಸ್ ಗೈಡ್ಸ್ ಉಡುಪಿ ಇದರ ಅಸಿಸ್ಟೆಂಟ್ ಡಿಸ್ಟ್ರಿಕ್ಟ್ ಕಮಿಷನರ್ ವಿತೇಶ್ ಕಾಂಚನ್ ಇವರು ಮಾರ್ಗದರ್ಶನ ನೀಡಿದರು.

ಕಾಲೇಜಿನ ರೇಂಜರ್ ಲೀಡರ್ ಸುಮಲತಾ, ರೋವರ್ ಸ್ಕೌಟ್ ಲೀಡರ್ ಭರತ್ ರಾಜ್ ಎಸ್ ನೇಜಾರ್ ಉಪಸ್ಥಿತರಿದ್ದರು. ರೇಂಜರ್ ಪ್ರತೀಕ ಸ್ವಾಗತಿಸಿ, ರೇಂಜರ್ ನಿಧಿ ಶೆಟ್ಟಿ ಅತಿಥಿಗಳನ್ನು ಪರಿಚಯಿಸಿದರು. ರೇಂಜರ್ ಕ್ಯಾರಲ್ ವಂದಿಸಿದರು. ರೇಂಜರ್ ಬಿ ಪಿ ನಂದಿತಾ ಪೈ ಕಾರ್ಯಕ್ರಮ ನಿರೂಪಿಸಿದರು.