ಕಟಪಾಡಿ: ರೋಟರಿ ಶಂಕರಪುರದ ವತಿಯಿಂದ ದಿವಂಗತ ಡ್ಯಾನಿ ಕರ್ಡೋಜ ಸ್ಮರಣಾರ್ಥ ಗಿಲ್ಬರ್ಟ್ ಕರ್ಡೋಜ ಮತ್ತು ಮಕ್ಕಳು ಪ್ರಾಯೋಜಿಸಿದ ಹೈ ಮಾಸ್ಟ್ ದೀಪದ ಲೋಕಾರ್ಪಣೆ ಕಾರ್ಯಕ್ರಮ ಶಂಕರಪುರದಲ್ಲಿ ನಡೆಯಿತು.

ಹೈ ಮಾಸ್ಟ್ ದೀಪದ ನಾಮಫಲಕದ ಉದ್ಘಾಟನೆಯನ್ನು ಗಿಲ್ಬರ್ಟ್ ಕರ್ಡೋಜ ಮತ್ತು ಜೆಸಿಂತ ಕರ್ಡೋಜ ನೆರವೇರಿಸಿದರು.

ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಇಂದಿರಾ ಆಚಾರ್ಯ, ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮಮತಾ ಯಶೋಧರ ಶೆಟ್ಟಿ, ಪಂಚಾಯತ್ ಸದಸ್ಯರಾದ, ಅಶೋಕ್ ರಾವ್, ರೋಟರಿ ಜಿಲ್ಲೆ 3182ರ ವಲಯ 5ರ ಸಹಾಯಕ ಗವರ್ನರ್ ಪಿ.ಚ್.ಎಫ್. ಡಾ. ಶಶಿಕಾಂತ್ ಕರಿಕ, ಹೈ ಮಾಸ್ಟ್ ಗುತ್ತಿಗೆದಾರರಾದ ವಲೇರಿಯನ್ ನೊರೋಹ್ನ, ಜೇಸನ್ ಡಿಸೋಜಾ ಮುಂತಾದವರು ಉಪಸ್ಥಿತರಿದ್ದರು.

ರೋಟರಿಯ ಹಿರಿಯ ಸದಸ್ಯರಾದ ಅಂತೋಣಿ ಡೇಸಾ ಪ್ರಾಸ್ತಾವಿಕವಾಗಿ ಮಾತನಾಡಿದರು. ರೋಟರಿ ಅಧ್ಯಕ್ಷರಾದ ಗ್ಲಾಡ್ಸನ್ ಕುಂದರ್ ಸಭಾಧ್ಯಕ್ಷತೆಯನ್ನು ವಹಿಸಿ ಕಾರ್ಯಕ್ರಮ ನಿರ್ವಹಿಸಿದರು. ಕಾರ್ಯದರ್ಶಿ ಸಿಲ್ವಿಯ ಕ್ಯಾಸ್ಟಲಿನೋ ವಂದಿಸಿದರು.

ಜೆಸಿ ಅಧ್ಯಕ್ಷರಾದ ಮಾಲಿನಿ ಶೆಟ್ಟಿ, ಇನ್ನರ್ ವೀಲ್ ಅಧ್ಯಕ್ಷರಾದ ಶಾಲಿನಿ, ನವೀನ್ ಅಮೀನ್, ವಲೇರಿಯನ್ ನೊರೋಹ್ನ, ನಂದನ್ ಕುಮಾರ್, ಚಂದ್ರ ಪೂಜಾರಿ, ಜೂಲಿಯಾನ, ಮೋಹನ್ ದಾಸ್ ಆರ್ ಶೆಟ್ಟಿ, ಅನಿಲ್, ಫ್ರಾನ್ಸಿಸ್ ಡೇಸ, ರಿಕ್ಷಾ ಯೂನಿಯನ್ ಸದಸ್ಯರು ಉಪಸ್ಥಿತರಿದ್ದರು.