ಕೋಟ, ಅ.4: ರಾಮಕ್ಷತ್ರಿಯ ಯುವ ಸಂಘ ಸಾಸ್ತಾನ ಘಟಕ ಇದರ ನೂತನ ಕಾರ್ಯಕಾರಿ ಸಮಿತಿ ಸಭೆ ಗುಂಡ್ಮಿ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ವಠಾರದಲ್ಲಿ ನಡೆಯಿತು. ನಿಕಟಪೂರ್ವ ಅಧ್ಯಕ್ಷ ರವಿರಾಜ್ ಸಾಸ್ತಾನ, ಕಾರ್ಯದರ್ಶಿ ನಾಗೇಂದ್ರ ಪಾಂಡೇಶ್ವರ ಇವರು ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ಕಲಾವತಿ ಅಶೋಕ್ ಕೋಟ, ಕಾರ್ಯದರ್ಶಿಯಾದ ಆದರ್ಶ ಎಡಬೆಟ್ಟು, ಕೋಶಾಧಿಕಾರಿಜ್ಯೋತಿಲಕ್ಷ್ಮಿ ಗುಂಡ್ಮಿ ಅವರಿಗೆ ಎರಡು ವರ್ಷದ ಅವಧಿಗೆ ಅಧಿಕಾರ ಹಸ್ತಾಂತರಿಸಿದರು. ಸಂಘದ ಹಿರಿಯ ಗೌರವ ಸಲಹೆಗಾರ ಲಕ್ಷ್ಮಿನಾರಾಯಣ ಐರೋಡಿ, ಸುಬ್ರಹ್ಮಣ್ಯ ಗುಂಡ್ಮಿ, ಕಾರ್ಯಕಾರಿ ಸಮಿತಿಯ ಸದಸ್ಯರುಗಳು ಮುಂತಾದವರು ಉಪಸ್ಥಿತರಿದ್ದರು.