ಉಡುಪಿ, ಆ.9: ಜಿಲ್ಲೆಯಲ್ಲಿ ಶುಕ್ರವಾರ ಸಂಭ್ರಮದ ನಾಗರಪಂಚಮಿ ಆಚರಿಸಲಾಯಿತು. ಬೆಳಿಗ್ಗೆಯಿಂದಲೇ ಹೆಚ್ಚಿನ ಸಾರ್ವಜನಿಕ ನಾಗಬನಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಸ್ಥಳೀಯರು ಭಕ್ತಿಯಿಂದ ತನು ಹಾಕಿದರು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಹಲವೆಡೆ ಸಾರ್ವಜನಿಕರ ಸಂಖ್ಯೆಯಲ್ಲಿ ಏರಿಕೆಯಾಗಿತ್ತು. ಜಿಲ್ಲೆಯಲ್ಲಿ ಶುಕ್ರವಾರ ಮಳೆ ತುಸು ವಿರಾಮ ನೀಡಿದ್ದರಿಂದ ಭಕ್ತರಿಗೆ ಸಂಚರಿಸಲು ಅನುಕೂಲವಾಯಿತು. ಜಾಲತಾಣಗಳಲ್ಲಿ ನಿಸರ್ಗದಲ್ಲಿರುವ ನಾಗಬನಗಳ ಬಗ್ಗೆ ಹೆಚ್ಚಿನ ಚಿತ್ರಗಳು ಹಾರಿದಾಡುತ್ತಿತ್ತು. ಕಾಪು, ಕೋಟದಲ್ಲಿ ಜೀವಂತ ನಾಗನಿಗೆ ಪೂಜೆ ಸಲ್ಲಿಸುವ ಮೂಲಕ ನಾಗರಪಂಚಮಿ ಆಚರಿಸಲಾಯಿತು.