ಉಡುಪಿ, ಜೂ.27: (ಉಡುಪಿ ಬುಲೆಟಿನ್ ಕಾಳಜಿ) ಕರಾವಳಿ ಜಂಕ್ಷನ್ ನಿಂದ ಉಡುಪಿ ನಗರಕ್ಕೆ ಸಂಪರ್ಕ ನೀಡುವ ಮಾರ್ಗದಲ್ಲಿ ಬೋಳಾಸ್ ಔಟ್ ಲೆಟ್ ಸಮೀಪದ ರಸ್ತೆಯ ಫುಟ್ಪಾತ್ ನಲ್ಲಿ ಇಂಟರ್ಲಾಕ್ ಕುಸಿದು ಹೊಂಡ ನಿರ್ಮಾಣವಾಗಿದೆ. ಹಿರಿಯ ನಾಗರಿಕರು, ಮಕ್ಕಳು, ಮೂಕಪ್ರಾಣಿಗಳಿಗೆ ಇಲ್ಲಿ ಅಪಾಯ ಕಟ್ಟಿಟ್ಟ ಬುತ್ತಿ.

ರಸ್ತೆಯ ಬದಿ ಮಳೆಯ ನೀರು ಹರಿದು ಹೋಗುವಾಗ ಈ ಹೊಂಡ ತುಂಬಿ ಇಲ್ಲಿ ಹೊಂಡ ಇದೆ ಎಂಬ ಅರಿವು ಯಾರಿಗೂ ಬರುವುದಿಲ್ಲ. ಸುಮಾರು ಒಂದು ವಾರದಿಂದ ಈ ಹೊಂಡ ಮುಕ್ತಿಗಾಗಿ ಕಾಯುತ್ತಿದೆ. ಸಂಬಂಧಪಟ್ಟ ಇಲಾಖೆಯವರು ಸೂಕ್ತ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಸ್ಥಳೀಯರು ವಿನಂತಿಸಿದ್ದಾರೆ.