ಮಂಗಳೂರು, ಜೂ.23: ಸಿ.ಒ.ಡಿ.ಪಿ ಯ ಸಭಾಂಗಣದಲ್ಲಿ ಜೀವನ್ ರಕ್ಷಾ ಮತ್ತು ಸ್ಪಂದನ ಒಕ್ಕೂಟ ಸದಸ್ಯರಿಗೆ ‘ಒಕ್ಕೂಟ ಬಲವರ್ಧನೆ’ ಬಗ್ಗೆ ತರಬೇತಿಯನ್ನು ಹಮ್ಮಿಕೊಳ್ಳಲಾಯಿತು. ಸಂಪನ್ಮೂಲ ವ್ಯಕ್ತಿಗಳಾಗಿ ಸಿಒಡಿಪಿ ಸಂಸ್ಥೆಯ ನಿರ್ದೇಶಕರಾದ ವಂ. ಫಾ| ವಿನ್ಸೆಂಟ್ ಡಿ ಸೋಜ ಮತ್ತು ಸಿಒಡಿಪಿ ಸಂಸ್ಥೆಯ ಸಂಯೊಜಕಿ ಲೀಡಿಯಾ ಮೊರಸ್ ರವರು ಒಕ್ಕೂಟ ಸದಸ್ಯರಿಗೆ ಮಾಹಿತಿಯನ್ನು ನೀಡಿದರು. ಇವರು ಒಕ್ಕೂಟದ ಬಲವರ್ಧನೆ ಬಗ್ಗೆ ಸವಿಸ್ತರವಾಗಿ ಮಾಹಿತಿ ನೀಡಿದರು. ಒಕ್ಕೂಟದ ಗುರಿಯು ಎಲ್ಲಾ ಸಂಘಗಳ ಸದಸ್ಯರ ಸರ್ವತೋಮುಖ ಅಭಿವೃದ್ಧಿ ಎಂದು ಹೇಳಿದರು. ಸಿಂಚನ ಮಹಾಸಂಘ ತಲಪಾಡಿ ಸದಸ್ಯೆ ಮಧುಕುಮಾರಿ ಸ್ವಾಗತಿಸಿ, ವನಿತಾ ಮಹಾಸಂಘ ಮಂಜೇಶ್ವರ ಸದಸ್ಯೆ ಮಿಶೆಲ್ ವಂದಿಸಿದರು.