ಬ್ರಹ್ಮಾವರ, ಜೂ.14: ಬಿಲ್ಲಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಯ ವಂಡಾರು ಚಕ್ಕಾರುಬೆಟ್ಟುವಿನ ನಿವಾಸಿ ದಿವ್ಯ ಕುಲಾಲ್ ಇವರಿಗೆ ಉಚಿತವಾಗಿ ನಿರ್ಮಿಸಿಕೊಟ್ಟ ನೂತನ ಟೈಲರಿಂಗ್ ಕೊಠಡಿ ಉದ್ಘಾಟನೆ ಸಂದರ್ಭದಲ್ಲಿ ಮಣಿಪಾಲ ಟೆಕ್ನಾಲಜೀಸ್‌ನ ಎಂ ರೋನಾಲ್ಡ್ ಡಿಸೋಜಾ ಹಾಗೂ ಉಚಿತವಾಗಿ ಸೋಲಾರ್ ಟೈಲರಿಂಗ್ ಯಂತ್ರ, ಸೋಲಾರ್ ಫ್ಯಾನ್ ಮತ್ತು ಸೋಲಾರ್ ಲೈಟನ್ನು ನೀಡಿರುವ ಉಡುಪಿ ಸೆಲ್ಕೋ ಸೋಲಾರ್‌ನ ಏರಿಯಾ ಮ್ಯಾನೇಜರ್ ಸುರೇಶ ನಾಯ್ಕ ರವರನ್ನು ವಂಡಾರು ಚಕ್ಕಾರುಬೆಟ್ಟುವಿನ ಗ್ರಾಮಸ್ಥರು ಸನ್ಮಾನಿಸಿ ಗೌರವಿಸಿದರು. ಬಿಲ್ಲಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಶಾರದಾ ಬಾಯಿ, ನಿವೃತ್ತ ಬ್ಯಾಂಕ್ ಅಧಿಕಾರಿ ಮತ್ತು ಸಾಹಿತಿ ಮಂಜುನಾಥ ಕಾಮತ್ ಹಾಲಾಡಿ, ಹೆಗ್ಗುಂಜೆ ರಾಜೀವ ಶೆಟ್ಟಿ ಪದವಿಪೂರ್ವ ಕಾಲೇಜಿನ ಹೈಸ್ಕೂಲು ವಿಭಾಗದ ಮುಖ್ಯ ಶಿಕ್ಷಕಿ ರೋಶನ್ ಬೀಬಿ ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ದಿವ್ಯ ಕುಲಾಲ್ ಜ್ಯೋತಿ, ವಂಡಾರು ಗ್ರಾಮ ಪಂಚಾಯತ್ ಸದಸ್ಯ ವೆಂಕಪ್ಪ ಕುಲಾಲ್, ಉದ್ಯಮಿ ರಾಜೀವ ಕುಲಾಲ್ ಹೈಕಾಡಿ, ದಿನೇಶ್ ಕುಲಾಲ್, ಪ್ರಸನ್ನ ಕುಲಾಲ್, ಆಶಾ ರಾಜೀವ ಕುಲಾಲ್, ಕುಳ್ಳುಂಜೆ ಸಮೃದ್ಧಿ ಯುವಕ ಮಂಡಲ ಅಧ್ಯಕ್ಷ ನಾರಾಯಣ ಟಿ ಹಾಗೂ ಸದಸ್ಯರು, ಶಂಕರನಾರಾಯಣ ಜೇಸಿಐನ ಪೂರ್ವಾದ್ಯಕ್ಷ ಜೆ.ಎಫ್.ಎಂ ಗುರುದತ್ತ ಶೇಟ್ ಮತ್ತು ಸದಸ್ಯರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.