ಉಡುಪಿ, ಏ.18: ಭಾರತೀಯ ಚುನಾವಣಾ ಆಯೋಗವು 16 ಇಲಾಖೆಗಳನ್ನು ಅಗತ್ಯ ಸೇವೆಗಳೆಂದು ಸೂಚಿಸಿದ್ದು, ಮತದಾನದ ದಿನದಂದು ಯಾವುದೇ ಕರ್ತವ್ಯದಲ್ಲಿದ್ದರೆ ಈ ಇಲಾಖೆಗಳಲ್ಲಿ ಕೆಲಸ ಮಾಡುವ ಮತದಾರರನ್ನು ಗೈರು ಹಾಜರಾದ ಮತದಾರರು ಎಂದು ವರ್ಗೀಕರಿಸಲಾಗಿದೆ ಮತ್ತು ಅಂತಹ ಮತದಾರರು ಅಂಚೆ ಮತದಾನಕ್ಕೆ ಅರ್ಹರಿದ್ದು, ಜಿಲ್ಲಾ ಚುನಾವಣಾಧಿಕಾರಿಯು ತಮ್ಮ ಕಚೇರಿಯಲ್ಲಿ ಎ.ವಿ.ಇ.ಎಸ್ ವರ್ಗಕ್ಕೆ ಮತದಾನ ಮಾಡಲು ಅನುಕೂಲವಾಗುವಂತೆ ಪೋಸ್ಟಲ್ ವೋಟಿಂಗ್ ಸೆಂಟರ್ ಅನ್ನು ಸ್ಥಾಪಿಸಿರುತ್ತಾರೆ. ಅದರಂತೆ ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ, ಅಗತ್ಯ ಸೇವಾ ಪ್ರವರ್ಗದಲ್ಲಿ ಬರುವ ಗೈರು ಹಾಜರಿ ಮತದಾರರು ಅಂಚೆ ಮತಪತ್ರದ ಮೂಲಕ ಮತದಾನ ಮಾಡಲು ಅನುಕೂಲವಾಗುವಂತೆ ಏಪ್ರಿಲ್ 19 ರಿಂದ 21 ರ ವರೆಗೆ ಬೆಳಗ್ಗೆ 9 ರಿಂದ ಸಂಜೆ 5 ರ ವರೆಗೆ ನಗರದ ಮಣಿಪಾಲ ರಜತಾದ್ರಿಯ ಜಿಲ್ಲಾಧಿಕಾರಿ ಕಚೇರಿಯ ಎ ಬ್ಲಾಕ್ ನೆಲಮಹಡಿಯ ಕೊಠಡಿ ಸಂಖ್ಯೆ ಎ-102 ನಲ್ಲಿ ಪೋಸ್ಟಲ್ ಬ್ಯಾಲೆಟ್ ವೋಟಿಂಗ್ ಸೆಂಟರ್ ಅನ್ನು ತೆರೆಯಲಾಗಿದ್ದು, ಪಿ.ವಿ.ಸಿ ಕೇಂದ್ರದ ಎ.ಆರ್.ಓ ಆಗಿ ಜಯಮಾಧವ ಮೊ.ನಂ: 9448888282 ಅವರನ್ನು ನಿಯೋಜಿಸಲಾಗಿರುತ್ತದೆ ಹಾಗೂ ಪಿ.ವಿ.ಸಿ ತಂಡದಲ್ಲಿ ಮುಖ್ಯಸ್ಥರಾಗಿ ಡಿ.ಡಿ.ಎಲ್.ಆರ್ ರವೀಂದ್ರ ಮೊ.ನಂ: 8660523556, ಸಹಾಯಕರಾಗಿ ರಾಘವೇಂದ್ರ ಪ್ರಭು ಮೊ.ನಂ: 8861577724, ರಾಹುಲ್ ರಾವ್ ಮೊ.ನಂ: 8217658577 ಮತ್ತು ದಿವಾಕರ್ ಮೊ.ನಂ: 9964605683 ಅವರನ್ನು ನಿಯೋಜಿಸಲಾಗಿರುತ್ತದೆ ಎಂದು ಜಿಲ್ಲಾಧಿಕಾರಿಗಳ ಕಚೇರಿ ಪ್ರಕಟಣೆ ತಿಳಿಸಿದೆ.