ಉಡುಪಿ, ಮಾ.1: ಬಡಗಬೆಟ್ಟು ನಿವಾಸಿ ಮಹಾದೇವಪ್ಪ ಎಂಬವರು ತನ್ನ ರಾಯಲ್ ಎನ್ ಫೀಲ್ಡ್ ಬೈಕ್ ಫೆಬ್ರವರಿ 18 ರಂದು ರಾತ್ರಿ ಉಡುಪಿ ಸಿಟಿ ಬಸ್ ನಿಲ್ದಾಣದ ಬಳಿ ಇರುವ ಮೊಬೈಲ್ ಶಾಪ್ ಎದುರು ನಿಲ್ಲಿಸಿ ಕೆ.ಎಸ್.ಆರ್.ಟಿ.ಸಿ ನರ್ಮ್ ಬಸ್ ನಿಲ್ದಾಣದಲ್ಲಿ ಮಲಗಿದ್ದು, ಫೆಬ್ರವರಿ 19 ರಂದು ನೋಡಿದಾಗ ಸ್ಥಳದಲ್ಲಿ ಪಾರ್ಕ್ ಮಾಡಿದ ಬೈಕ್ ಕಳವಾಗಿರುವುದು ಬೆಳಗಿಗೆ ಬಂದಿದೆ. ಕಳವಾದ ಬೈಕ್ ಮೌಲ್ಯ ರೂ.1,60,000/- ಆಗಬಹುದುದಾಗಿದೆ. ಘಟನೆಗೆ ಸಂಬಂಧಿಸಿದಂತೆ ಉಡುಪಿ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.