ಕೊಡವೂರು, ಜ.2: ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಮತ್ತು ಸ್ನೇಹಿತ ಯುವ ಸಂಘ ಕಾನಂಗಿ ಕೊಡವೂರು ಜಂಟಿ ಆಶ್ರಯದಲ್ಲಿ ನಗರಸಭಾ ಸದಸ್ಯರಾದ ಕೆ. ವಿಜಯ್ ಕೊಡವೂರು ಸಂಯೋಜನೆಯಲ್ಲಿ ಚಂದ್ರಚಿತ್ರ ಕಡೆಕಾರ್ ಮಾರ್ಗದರ್ಶನದಲ್ಲಿ ಅಯೋಧ್ಯೆಯಲ್ಲಿ ಶ್ರೀ ರಾಮದೇವರ ಪ್ರಾಣ ಪ್ರತಿಷ್ಠೆಯ ಪ್ರಯುಕ್ತ ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲಾ ಮಟ್ಟದ ಶ್ರೀ ರಾಮ ದೇವರ ಜೀವನ ಚರಿತ್ರೆಯ ವಾಲ್ ಪೈಂಟಿಂಗ್ ಸ್ಪರ್ಧೆ ಜ.14 ರಂದು ಬೆಳಿಗ್ಗೆ 8 ಗಂಟೆಯಿಂದ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಪರಿಸರದಲ್ಲಿ ನಡೆಯಲಿದೆ.

ಬಹುಮಾನಗಳ ವಿವರ: ಪ್ರಥಮ ಬಹುಮಾನ ರೂ.10,000 ಮತ್ತು ಪ್ರಮಾಣ ಪತ್ರ, ದ್ವಿತೀಯ ಬಹುಮಾನ ರೂ. 5,000 ಮತ್ತು ಪ್ರಮಾಣ ಪತ್ರ, ತೃತೀಯ ಬಹುಮಾನ ರೂ. 3,000 ಮತ್ತು ಪ್ರಮಾಣ ಪತ್ರ. 5 ಜನರಿಗೆ ತಲಾ ರೂ.1000 ಪ್ರೋತ್ಸಾಹಕ ಬಹುಮಾನ. ಭಾಗವಹಿಸಿದ ಎಲ್ಲರಿಗೂ ಪ್ರಮಾಣ ಪತ್ರ ನೀಡಿ ಗೌರವಿಸಲಾಗುವುದು.

ಸೂಚನೆಗಳು: ಸಾರ್ವಜನಕ ವಿಭಾಗದಲ್ಲಿ ನುರಿತ ಚಿತ್ರ ಕಲಾವಿದರಿಗೆ ಮಾತ್ರ ಅವಕಾಶ, ಚಿತ್ರ ಬಿಡಿಸಲು 5.00 ಗಂಟೆಯ ಸಮಯವಕಾಶ, ತೈಲವರ್ಣ ಜಲವರ್ಣದಲ್ಲಿ ಯಾವುದೇ ರೀತಿಯ ಉಪಕರಣ ಬಳಸಿ ಚಿತ್ರ ಬಿಡಿಸಬಹುದು, Minimum colour ನೀಡಲಾಗುವುದು, ಪರಿಕರವನ್ನು ತಾವೇ ತರಬೇಕು, ಸಂಘಟಕರ ತೀರ್ಮಾನವೇ ಅಂತಿಮ ತೀರ್ಮಾನ. ಹೆಚ್ಚಿನ ಮಾಹಿತಿಗಾಗಿ 7760770271 8660984279 ಸಂಪರ್ಕಿಸಬಹುದು ಎಂದು ಆಯೋಜಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.