ಉಡುಪಿ, ಡಿ.11: ಶ್ರೀ ಗೋಕರ್ಣ ಪರ್ತಗಾಳಿ ಮಠಾಧೀಶರಾದ ಶ್ರೀಮದ್ ವಿದ್ಯಾಧೀಶ ಸ್ವಾಮೀಜಿಯವರು ಹಾರಾಡಿ ಶ್ರೀ ವರದರಾಜ ವೆಂಕಟರಮಣ ದೇವಸ್ಥಾನಕ್ಕೆ ಮೊದಲ ಬಾರಿ ಭೇಟಿ ನೀಡಿದರು. ಶ್ರೀಗಳನ್ನು ದೇವಳದ ವತಿಯಿಂದ ಪೂರ್ಣಕುಂಭ ಮಂಗಳವಾದ್ಯದೊಂದಿಗೆ ಸ್ವಾಗತಿಸಿ ಬರಮಾಡಿಕೊಂಡು ಪಾದಪೂಜೆ, ಗುರುಕಾಣಿಕೆ ಸಮರ್ಪಣೆ ಮಾಡಲಾಯಿತು. ಪ್ರಧಾನ ಅರ್ಚಕರಾದ ಮಂಜುನಾಥ ಭಟ್ ಶ್ರೀ ದೇವರಿಗೆ ಮಂಗಳಾರತಿ ಬೆಳಗಿಸಿ, ಸ್ವಾಮೀಜಿಯರಿಗೆ ದೇವಳದ ಅಭಿವೃದ್ಧಿಯ ಮಾಹಿತಿ ನೀಡಿದರು. ಬಳಿಕ ಸ್ವಾಮೀಜಿ ಆಶೀರ್ವಚನ ನೀಡಿದರು.

ದೇವಸ್ಥಾನದ ಆಡಳಿತ ಮೊಕ್ತೇಸರ ಹೆಚ್. ಕೃಷ್ಣ ಗಡಿಯಾರ, ಮಂಡಳಿಯ ಸದಸ್ಯರಾದ ಮಾಧವರಾಯ ಪ್ರಭು, ಬಾಬುರಾಯ ಶೆಣೈ, ಶ್ರೀಕಾಂತ್ ಪೈ, ಡಾ. ಸತೀಶ್ ಪೈ, ಲಕ್ಷ್ಮಣ್ ಗಡಿಯಾರ್, ಜಿ.ಎಸ್.ಬಿ ಸೇವಾ ಮಂಡಳಿಯ ಅಧ್ಯಕ್ಷ ಪದ್ಮನಾಭ ಶೆಣೈ, ವೆಂಕಟರಮಣ ಪ್ರಭು, ಭಾಸ್ಕರ್ ಕಾಮತ್, ವಿಠ್ಠಲ್ ಪಡಿಯಾರ್, ಮಹಿಳಾ ಮಂಡಳಿಯ ಸದಸ್ಯರು, ಸಮಾಜ ಬಾಂಧವರು ಇದ್ದರು.