ಉಡುಪಿ, ಡಿ.1: ಶ್ರೀ ಪೇಜಾವರ ಮಠಾಧೀಶರಾದ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದರ ಷಷ್ಟ್ಯಬ್ದ ಅಭಿವಂದನ ಸಮಾರಂಭದ ಹಿನ್ನೆಲೆಯಲ್ಲಿ ಶ್ರೀ ಪೇಜಾವರ ಗುರುವಂದನ ಸಮಿತಿ ಕಾರ್ಯಾಲಯದ ಉದ್ಘಾಟನೆಯು ಡಿ. 2 ಶನಿವಾರ ಸಂಜೆ 5.30 ಕ್ಕೆ ಶ್ರೀ ಪೇಜಾವರ ಮಠದ ಆವರಣದಲ್ಲಿರುವ ಶ್ರೀ ಅಧೋಕ್ಷಜ ಮಂದಿರ ಛತ್ರದಲ್ಲಿ ನಡೆಯಲಿದೆ. ಶ್ರೀಕೃಷ್ಣಮಠದ ದಿವಾನರಾದ ವರದರಾಜ ಭಟ್ ಮತ್ತು ಉದ್ಯಮಿಗಳೂ ಹಾಗೂ ಸಾಮಾಜಿಕ ಧುರೀಣರಾಗಿರುವ ಸಾಧು ಸಾಲ್ಯಾನ್ ಮತ್ತು ಅಜಯ್ ಪಿ ಶೆಟ್ಟಿ ಉದ್ಘಾಟಿಸಲಿದ್ದಾರೆ ಎಂದು ಸಮಿತಿ ಅಧ್ಯಕ್ಷ ಶಾಸಕ ಯಶ್ಪಾಲ್ ಎ ಸುವರ್ಣ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.