ಉಳ್ಳಾಲ, ಜೂ. 24: ಯುವಕ ಮಂಡಲ (ರಿ.) ಇರಾ ಇದರ ಸುವರ್ಣ ಮಹೋತ್ಸವದ ಕಾರ್ಯಕ್ರಮಗಳಿಗೆ ಯುವಕ‌ ಮಂಡಲದ ವಠಾರದಲ್ಲಿ ಚಾಲನೆ‌ ನೀಡಲಾಯಿತು. ಕಾರ್ಯಕ್ರಮದ ಅತಿಥಿಗಳಾಗಿ ಮಡ್ವಬೀಡು ಸತೀಶ್ ಕುಮಾರ್ ಆಳ್ವ ಇರಾ ಬಾಳಿಕೆ, ಸುವರ್ಣ ಮಹೋತ್ಸವದ ಸಮಿತಿಯ ಸಂಚಾಲಕರಾದ ಜಗದೀಶ್ ಶೆಟ್ಟಿ ಇರಾ ಗುತ್ತು, ಸುವರ್ಣ ಮಹೋತ್ಸವ ಸಮಿತಿಯ ಗೌರವಾಧ್ಯಕ್ಷರಾದ ಪಿ.ಎಂ ಕೊಡಂಗೆ, ಸುವರ್ಣ ಮಹೋತ್ಸವ ಸಮಿತಿಯ ಅಧ್ಯಕ್ಷರಾದ ಜಯರಾಮ್ ಪೂಜಾರಿ ಸೂತ್ರಬೈಲು, ಯುವಕ ಮಂಡಲದ ಅಧ್ಯಕ್ಷರಾದ ಗಣೇಶ್ ಕೊಟ್ಟಾರಿ ಸಂಪಿಲ, ವಿ4 ಚಾನೆಲ್ ಮುಖ್ಯಸ್ಥರಾದ ಲಕ್ಷ್ಮಣ್ ಕುಂದರ್, ಇರಾ ಶಾಲೆಯ‌ ಮುಖ್ಯೋಪಾಧ್ಯಾಯರಾದ ಶೋನಿತಾ ಭಾಗವಹಿಸಿದ್ದರು.

ದ.ಕ.ಜಿ.ಪಂ.ಉ.ಹಿ.ಪ್ರಾಥಮಿಕ ಶಾಲೆ ಇದರ ಆವರಣಕ್ಕೆ ಪ್ರವೇಶ ದ್ವಾರ ನಿರ್ಮಾಣಕ್ಕೆ ಚಾಲನೆ, ಯುವಕ ಮಂಡಲ (ರಿ.) ಇರಾ‌ ಇದರ‌ ಸುವರ್ಣ ಮಹೋತ್ಸವದ‌ ಲಾಂಛನ‌ ಹಾಗು ಯುವಕ‌ ಮಂಡಲ(ರಿ.) ಇರಾ‌ದ‌ ಜಾಲತಾಣ ಬಿಡುಗಡೆಗೊಳಿಸಲಾಯಿತು. ಯುವಕ‌ ಮಂಡಲದ ‌ಎಲ್ಲಾ‌ ಹಿರಿಯ ಹಾಗೂ ಕಿರಿಯ ಸದಸ್ಯರು, ಊರಿನ ಗಣ್ಯರು, ಅಧ್ಯಾಪಕ ವೃಂದ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.