ಮಲ್ಪೆ, ಮಾ. 10: ಕೊಡವೂರೂ ವಾರ್ಡ್ ಮಹಿಳಾ ಸಮಿತಿ ವತಿಯಿಂದ ಮಹಿಳಾ ದಿನಾಚರಣೆ ಕಾರ್ಯಕ್ರಮ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದಲ್ಲಿ ನಡೆಯಿತು. ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದಲ್ಲಿ ಸೇವೆ ಸಲ್ಲಿಸುವ ಮಹಿಳೆಯರನ್ನು ಗುರುತಿಸಿ ಅವರನ್ನು ಸನ್ಮಾನಿಸುವ ಕಾರ್ಯ ನಡೆಯಿತು.

ಕೊಡವೂರು ವಾರ್ಡ್ ನಗರಸಭಾ ಸದಸ್ಯರಾದ ವಿಜಯ್ ಕೊಡವೂರು ಮಾತನಾಡಿ, ತಾಯಂದಿರ ಸಂಸ್ಕಾರದಿಂದ ಮನೆ ನಿರ್ಮಾಣವಾಗವ ಸಾಧ್ಯತೆ ಇದೆ. ತಾಯಿಯಾದವರು ಮಕ್ಕಳಿಗೆ ವಿದ್ಯಾಭ್ಯಾಸದ ಜೊತೆಯಲ್ಲಿ ಧಾರ್ಮಿಕ ಸಂಗತಿಗಳನ್ನು ವಿಚಾರಗಳನ್ನು ತಿಳಿಸುವಂತದ್ದು ರಾಮಾಯಣ ಮಹಾಭಾರತದ ಪುಟ್ಟ ಪುಟ್ಟ ಕತೆಗಳನ್ನು ತಿಳಿಸಿ ದಿನನಿತ್ಯ ಭಜನೆ ಮಾಡುವುದರ ಮೂಲಕ ದೇವರಂತಹ ಮಕ್ಕಳನ್ನು ನಿರ್ಮಾಣ ಮಾಡಲು ಸಾಧ್ಯತೆ ಇದೆ. ರಾಮನ ಭಜನೆ ಹೇಳುತ್ತಾ ರಾಮನಾಗಿ ಗುಣ ಪರಿವರ್ತನೆಯಾಗಬೇಕು, ರಾಮನಂತೆ ಬದುಕಬೇಕು. ಸಮಾಜಕ್ಕೆ ಉಪಕಾರಿಯಾಗಬೇಕು, ಇಂತಹ ಸಂಸ್ಕಾರ ತಾಯಿಯಿಂದ ಬರಲು ಸಾಧ್ಯವಿದೆ ಎಂದರು.

ವಾತ್ಸಲ್ಯ ತಂಡದ ನೀತಾ ಪ್ರಭು, ಬಿಜೆಪಿ ಶಕ್ತಿ ಕೇಂದ್ರ ಅಧ್ಯಕ್ಷೆ ಪ್ರೀತಿ ಎಸ್, ಕೊಡವೂರು ಮಹಿಳಾ ಸಮಿತಿ ಪ್ರಮುಖರಾದ ಪ್ರೇಮಾ ಶೇಖರ್, ಚಂದ್ರಾವತಿ, ಕೊಡವೂರು ಅಭಿವೃದ್ಧಿ ಸಮಿತಿ ಅಧ್ಯಕ್ಷರಾದ ಅಶೋಕ್ ಶೆಟ್ಟಿಗಾರ್, ಉದ್ಯಮಿ ಚಂದ್ರಕಾಂತ್ ದೇವಾಡಿಗ ಉಪಸ್ಥಿತರಿದ್ದರು. ಮಿತೇಷ್ ಕುಮಾರ್ ಸ್ವಾಗತಿಸಿ ವಂದಿಸಿದರು.