ಬ್ರಹ್ಮಾವರ, ಫೆ. 24: ಸ.ಹಿ.ಪ್ರಾ ಶಾಲೆ ಹಂಗಾರಕಟ್ಟೆ ಬ್ರಹ್ಮಾವರ ಇಲ್ಲಿ ಸ್ಪೋಕನ್ ಇಂಗ್ಲೀಷ್ ಫೆಸ್ಟ್ ಕಾರ್ಯಕ್ರಮ ನಡೆಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಲಾ ಎಸ್.ಡಿ.ಎಂ. ಸಿ ಅಧ್ಯಕ್ಷರಾದ ಡೆನ್ನಿಸ್ ಡಿಸೋಜಾ ವಹಿಸಿದ್ದರು. ಗ್ರಾಮ ಪಂಚಾಯತ್ ಸದಸ್ಯೆ ರಮ್ಯ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಶುಭ ಹಾರೈಸಿದರು. ಮುಖ್ಯ ಶಿಕ್ಷಕಿ ಸೇಸು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಆಂಗ್ಲ ಭಾಷೆಯಲ್ಲಿ ಸರಳ ಸಂಭಾಷಣೆ ಕಿರು ನಾಟಕಗಳು, ಪಾತ್ರಾಭಿನಯ ಏಕಪಾತ್ರಾಭಿನಯ ಇನ್ನಿತರ ಅಭಿವ್ಯಕ್ತಿ ಕಾರ್ಯಕ್ರಮಗಳನ್ನು ವಿದ್ಯಾರ್ಥಿಗಳು ನಡೆಸಿಕೊಟ್ಟರು.

ಇಂಗ್ಲೀಷ್ ಶಿಕ್ಷಕಿ ಉಷಾರಾಣಿ ಮಾರ್ಗದರ್ಶನ ನೀಡಿದರು. ರಾಮಕುಮಾರ್ ದಂಡೇಬೆಟ್ಟು, ಪ್ರೆಸಿಲ್ಲ, ಶಿಕ್ಷಕಿಯರಾದ ವೀಣಾ, ಯಶೋಧ, ರಮ್ಯ ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಾದ ಪ್ರತಿಕ್ಷಾ ಸ್ವಾಗತಿಸಿ, ಸೈದಾ ಬಾನು ವಂದಿಸಿದರು. ಪ್ರತೀಕ್ ನಿರೂಪಿಸಿದರು.