ಉಡುಪಿ, ಫೆ. 7: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ (ರಿ.) ಮಂಗಳೂರು ಇದರ ಪಟ್ಲ ಯಕ್ಷಾಶ್ರಯ ಯೋಜನೆಯ ಅಡಿಯಲ್ಲಿ ಕಲಾವಿದರಿಗೆ ಎರಡು ಮನೆಗಳ ಅನಾವರಣ ಯೋಜನೆಯಡಿಯಲ್ಲಿ ಬಡಗುತಿಟ್ಟಿನ ಯಕ್ಷಗಾನ ಗುರುಗಳಾಗಿರುವ ಮಂಜುನಾಥ ಕುಲಾಲ್ ಐರೋಡಿ ಅವರಿಗೆ ನಿರ್ಮಿಸಲಾಗುವ ನೂತನ ಮನೆಯ ಶಿಲಾನ್ಯಾಸ ಕಾರ್ಯಕ್ರಮ ನಡೆಯಿತು.

ಪಟ್ಲ ಫೌಂಡೇಶನ್ ಬ್ರಹ್ಮಾವರ ಘಟಕದ ಗೌರವಾಧ್ಯಕ್ಷ ಶೇಡಿಕೋಡ್ಲು ವಿಠಲ ಶೆಟ್ಟಿ ಶಿಲಾನ್ಯಾಸ ನೆರವೇರಿಸಿದರು. ಕಮಲಶಿಲೆ ಮೇಳದ ಪ್ರಧಾನ ಹಾಸ್ಯಗಾರರಾದ ಲಕ್ಷಣ ಭಂಡಾರಿಯವರಿಗೆ ಪಟ್ಲ ಯಕ್ಷಾಶ್ರಯ ಯೋಜನೆಯಡಿಯಲ್ಲಿ ನಿರ್ಮಿಸಲಾದ ಎಂ.ಆರ್.ಜಿ ಗ್ರೂಪ್ ಪ್ರಕಾಶ್ ಶೆಟ್ಟಿ ಇವರ ಅನುದಾನದಲ್ಲಿ ನಿರ್ಮಿಸಲಾದ ನೂತನ ಮನೆಯ ಗೃಹಪ್ರವೇಶ ಕಾರ್ಯಕ್ರಮದಲ್ಲಿ ವಿಠಲ ಶೆಟ್ಟಿ ಮನೆಯ ಕೀ ಕಲಾವಿದರಿಗೆ ಹಸ್ತಾಂತರಿಸಿದರು. ಭಾಗವತರಾದ ಸದಾಶಿವ ಅಮೀನ್ ಕೊಕ್ಕರಣೆ ಮತ್ತು ಬಡಗಿನ ಪ್ರಧಾನ ಸ್ತ್ರೀವೇಷಧಾರಿಯಾದ ನಡೂರು ದಿನಕರ ಕುಂದರ್, ಫೌಂಡೇಶನ್ ನ ಪದಾಧಿಕಾರಿಗಳು, ಉದಯ ಶೆಟ್ಟಿ ಕೆರೆಕಟ್ಟೆ, ರಾಘವೇಂದ್ರ ಚೇರ್ ಸ್ಟುಡಿಯೋ ಮುಂತಾದವರು ಉಪಸ್ಥಿತರಿದ್ದರು.