ಕಣ್ಣೂರು: ಯುವಕನೊಬ್ಬ ಸಮುದ್ರ ಪಾಲಾದ ಘಟನೆ ಕೇರಳದ ಕಣ್ಣೂರು ಬೀಚ್ ನಲ್ಲಿ ನಡೆದಿದೆ. ಮೃತ ವ್ಯಕ್ತಿಯನ್ನು ಕೊಡಗು ಜಿಲ್ಲೆಯ ಮಡಿಕೇರಿ ನಗರದ ಜಲಾಶಯ ಬಡಾವಣೆ ನಿವಾಸಿ ಶಶಾಂಕ್ (25) ಎಂದು ಗುರುತಿಸಲಾಗಿದೆ. ಕಣ್ಣೂರು ಬೀಚ್ ನಲ್ಲಿ ಯುವಕ ಗುಂಪೊಂದು ಈಜಲು ತೆರಳಿದ್ದ ವೇಳೆ ಶಶಾಂಕ್ ಸಮುದ್ರದಲ್ಲಿ ಮುಳುಗಿ ಮೃತಪಟ್ಟಿದ್ದಾನೆ.

ಸಮುದ್ರದ ಅಲೆಗೆ ಸಿಕ್ಕಿ ಕೊಚ್ಚಿ ಹೋಗುತ್ತಿದ್ದ ಇಬ್ಬರು ಯುವಕರನ್ನು ಸ್ಥಳೀಯರು ರಕ್ಷಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಕೇರಳದ ಕಣ್ಣೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವಿ.ಸೂ: ಪ್ರವಾಸಿ ಸ್ಥಳಗಳಲ್ಲಿ (ಮುಖ್ಯವಾಗಿ ಬೀಚ್ ಗಳಲ್ಲಿ) ಸ್ಥಳೀಯಾಡಳಿತದಿಂದ ಅಳವಡಿಸಲಾದ ಸೂಚನೆಗಳನ್ನು ಕಡ್ಡಾಯವಾಗಿ ಪಾಲಿಸಿ. ಈಜುವುದನ್ನು ನಿಷೇಧಿಸಿರುವ ಕಡೆಗಳಲ್ಲಿ ಈಜಲು ಹೋಗಬೇಡಿ. ನೆನಪಿಡಿ, ನಿಮ್ಮ ಜೀವ ಮತ್ತು ಜೀವನ ಎರಡೂ ಮುಖ್ಯ.