ಕೊಡವೂರು: ಕೊಡವೂರು ವಾರ್ಡ್ ನಗರಸಭಾ ಸದಸ್ಯ ವಿಜಯ್ ಕೊಡವೂರು ಇವರ ಸಂಯೋಜನೆಯಲ್ಲಿ ದಾನಿಗಳಾದ ಅಪೂರ್ವ ಪುತ್ತೂರು ತಂಡದ ಸಹಕಾರದಲ್ಲಿ ಸುಬ್ರಹ್ಮಣ್ಯ ಹಿಲ್ ಶಾಲೆಗೆ ಉಚಿತವಾಗಿ ಅಪಘಾತ ವಿಮೆ ಕಾರ್ಡ್ ಹಸ್ತಾಂತರ ಕಾರ್ಯಕ್ರಮ ನಡೆಯಿತು.

ನಗರಸಭಾ ಸದಸ್ಯ ವಿಜಯ್ ಕೊಡವೂರು ಮಾತನಾಡುತ್ತಾ, ಸರಕಾರಿ ಶಾಲೆಯನ್ನು ಉಳಿಸಿ ಬೆಳೆಸಬೇಕು, ಸರಕಾರಿ ಶಾಲೆಗಳಲ್ಲಿ ವಿದ್ಯಾಭ್ಯಾಸದ ಜೊತೆಯಲ್ಲಿ ನಮ್ಮ ಪರಂಪರೆ ನಮ್ಮ ದೇಶ ನಮ್ಮ ಇತಿಹಾಸ ನೆನಪು ಮಾಡುವುದರ ಮುಖಾಂತರ ಒಬ್ಬ ವ್ಯಕ್ತಿಗೆ ಸಂಸ್ಕೃತಿಯನ್ನು ಕಲಿಸುವುದು ನಡೆಯುತ್ತಿದೆ. ನಾವು ಸರಕಾರಿ ಶಾಲೆಗಳನ್ನು ಉಳಿಸುವ ಅವಶ್ಯಕತೆ ಇದೆ. ಉಡುಪಿ ಜಿಲ್ಲೆಯ ಎಲ್ಲಾ ಕನ್ನಡ ಮಾಧ್ಯಮ ಶಾಲೆಗಳನ್ನು ಉಳಿಸುವ ನಿಟ್ಟಿನಲ್ಲಿ ಇದೊಂದು ಸಣ್ಣ ಪ್ರಯತ್ನ ಎಂದರು.

ಅಪೂರ್ವ ಪುತ್ತೂರು ಅಧ್ಯಕ್ಷರಾದ ಅಶೋಕ್, ಸ್ಟಾರ್ ಹೆಲ್ತ್ ಪ್ರಮುಖರಾದ ಉದಯ್ ನಾಯ್ಕ್, ಹಿರಿಯ ವಿದ್ಯಾರ್ಥಿ ಪುರಂದರ ಶೆಟ್ಟಿ, ಎಸ್.ಡಿ.ಎಂ.ಸಿ ಅಧ್ಯಕ್ಷರಾದ ಸುಭಾಶಿನಿ, ಕಿಶೋರ್, ಅಶೋಕ್, ಪ್ರಸಿದ್, ಶಾಲಾ ಮುಖ್ಯೋಪಾಧ್ಯಾಯರಾದ ಸುಜಾತ, ಸಹ ಶಿಕ್ಷಕಿ ನಿಶಾವತಿ, ಮುಂತಾದವರು ಉಪಸ್ಥಿತರಿದ್ದರು.