ಉಡುಪಿ: ದೆಹಲಿಯ ತಲಕಟೋರ ಒಳಾಂಗಣ ಸ್ಟೇಡಿಯಂನಲ್ಲಿ ನಡೆದ ವಾಕೋ ಇಂಡಿಯನ್ ಓಪನ್ ಕಿಕ್ ಬಾಕ್ಸಿಂಗ್ ಅಂತಾರಾಷ್ಟ್ರೀಯ ಚಾಂಪಿಯನ್ಶಿಪ್ ನ 57ಕೆಜಿ ವಿಭಾಗದಲ್ಲಿ ರೋಶನ್ ಶೆಟ್ಟಿ ಕಂಚಿನ ಪದಕ ಗೆದ್ದಿದ್ದಾರೆ.

ಇವರು ಕರಾಟೆ ಮತ್ತು ಕಿಕ್ ಬಾಕ್ಸಿಂಗ್ ಅಸೋಸಿಯೇಷನ್ ಸಿಟಿ ಕೋಚ್ ಉಮೇಶ್ ಮರ್ಕರ್ ಅವರ ಮಾರ್ಗದರ್ಶನದಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ರೋಶನ್ ಶೆಟ್ಟಿ ಇವರು ಚೆಂಬೂರ್ ಪೂರ್ವದ ಸುಭಾಸ್ ನಗರದ ನಿವಾಸಿಯಾಗಿರುತ್ತಾರೆ. ಎಂ.ಪಿ.ಎಸ್.ಸಿ ವಿದ್ಯಾರ್ಥಿಯಾಗಿರುವ ಇವರು ಚೆಂಬೂರ್ ಸುಭಾಸ್ ನಗರದ ಉದ್ಯಮಿ ಬೈಂದೂರು ಸಂಜೀವ ಶೆಟ್ಟಿ ಮತ್ತು ಪೆರ್ಡೂರು ರೇಖಾ ಶೆಟ್ಟಿ ದಂಪತಿಯ ಪುತ್ರ.