ಉಡುಪಿ: ಉಡುಪಿ ಕಡಲತೀರದ ಸುಂದರ ಜಿಲ್ಲೆ. ಇಲ್ಲಿನ ಕಡಲ ಕಿನಾರೆಯನ್ನು ಸ್ವಚ್ಛವಾಗಿಟ್ಟುಕೊಂಡು ಸಮುದ್ರ ಜೀವಿಗಳನ್ನು ರಕ್ಷಿಸುವ ಬೃಹತ್ ಹೊಣೆಗಾರಿಕೆ ನಮ್ಮ ಮೇಲಿದೆ. ವಿದ್ಯಾರ್ಥಿಗಳಲ್ಲಿ ಈ ಬಗ್ಗೆ ಅರಿವು ಮೂಡಿದರೆ ಈ ಕಾರ್ಯ ಸಿದ್ಧಿಸುವುದು ಎಂದು ಕನ್ನಡದ ಮೊದಲ ಮಹಿಳಾ ಮೊಟೋ ವ್ಲಾಗರ್ ಸ್ವಾತಿ ಆರ್ ಮತ್ತು ಇಂಡಿಯಾ ಬುಕ್ ಆಫ್ ರೆಕಾರ್ಡ್ ಖ್ಯಾತಿಯ ಅನಿತಾ ಎಂ ಹೇಳಿದರು.

‘ಸಮುದ್ರ ಜೀವಿಗಳನ್ನು ರಕ್ಷಿಸಿ’ ಉದ್ದೇಶವನ್ನಿಟ್ಟುಕೊಂಡ ಬೈಕ್ ಯಾತ್ರೆ ಉಡುಪಿ ಜ್ಞಾನಸುಧಾ ಪದವಿಪೂರ್ವ ಕಾಲೇಜು ಕಡಿಯಾಳಿ ಇಲ್ಲಿಗೆ ಆಗಮಿಸಿದಾಗ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಹಿಳಾ ಬೈಕರ್ಸ್ ಗಳು ಮಾತನಾಡಿದರು. ಕಾಲೇಜಿನ ಬೋಧಕ ಬೋಧಕೇತರರು, ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು.