ಕಟಪಾಡಿ: ಬ್ರಹ್ಮಶ್ರೀ ನಾರಾಯಣ ಗುರುಗಳ ಜಯಂತಿ ಸಂದರ್ಭದಲ್ಲಿ ಪುತ್ತಿಗೆ ಶ್ರೀಗಳವರ ಚತುರ್ಥ ಪರ್ಯಾಯದ ಯೋಜನೆಯಾದ ಕೋಟಿ ಗೀತಾ ಲೇಖನ ಯಜ್ಞಕ್ಕೆ ಕಟಪಾಡಿಯ ಶ್ರೀ ವಿಶ್ವನಾಥ ಕ್ಷೇತ್ರದಲ್ಲಿ ವಿಶೇಷ ಪ್ರಾರ್ಥನೆ ಮೂಲಕ ಶ್ರೀಗಳವರ ಈ ಕಾರ್ಯಕ್ರಮ ಯಶಸ್ಸನ್ನು ಹೊಂದಲಿ, ಹಾಗೂ ನಮ್ಮ ಕ್ಷೇತ್ರದ ಭಕ್ತರೆಲ್ಲರೂ ಸಹಕಾರ ನೀಡುವುದಾಗಿ ಭರವಸೆಯಿತ್ತು ಸಾಂಕೇತಿಕವಾಗಿ ಕ್ಷೇತ್ರದ ಅಧ್ಯಕ್ಷರಾದ ಶಂಕರ ಪೂಜಾರಿಯವರು ಚಾಲನೆ ನೀಡಿ ಗೀತಾ ಲೇಖನ ದೀಕ್ಷೆಯನ್ನು ಪಡೆದರು. ಶ್ರೀಗಳಿಂದ ನಿಯೋಜಿತ ಪ್ರದ್ಯುಮ್ನ ತಂಡದ ಗೀತಾ ಪ್ರಚಾರಕರಾದ ರಮೇಶ್ ಭಟ್ ಕೆ., ಸುರೇಶ್ ಕಾರಂತ್, ಗೀತಾ ಮಾತೆ ನಂದಿನಿ ಶೆಣೈ ಉಪಸ್ಥಿತರಿದ್ದರು.