ಉಡುಪಿ: ದೇವತೆಗಳಿಂದ ಸೃಷ್ಟಿಯಾದ ರಾಗಗಳು ಅನಾದಿಯಿಂದ ನಮ್ಮಲ್ಲಿರುವ ಅತೀ ದೊಡ್ಡ ಧನವೆಂದು ವಿದ್ವಾನ್ ಡಾ. ಆರ್ ಸೂರ್ಯಪ್ರಕಾಶ್ ಅಭಿಪ್ರಾಯಪಟ್ಟರು.

ರಾಗಧನ ಉಡುಪಿ (ರಿ) ಇದರ ಆಶ್ರಯದಲ್ಲಿ ಕನ್ನಡ ಹಾಗೂ ಸಂಸ್ಕೃತಿ ಇಲಾಖೆಯ ಸಹಯೋಗದೊಂದಿಗೆ ಕರ್ನಾಟಕ ಸಂಗೀತ ಶಿಬಿರವನ್ನು ಉಡುಪಿಯ ಎಂ.ಜಿ.ಎಂ.ಕಾಲೇಜಿನಲ್ಲಿ ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು. ಸಂಗೀತದ ಸೂಕ್ಷ್ಮಗಳನ್ನು ಗುರು ಮುಖೇನ ಶಿಷ್ಯರು ಪಡೆಯಲು ಅವರು ಶಿಬಿರಾರ್ಥಿಗಳಿಗೆ ಕಿವಿ ಮಾತು ಹೇಳಿದರು.

ನಂತರ ಮನೋಧರ್ಮ ಮತ್ತು ಸಂಗೀತದ ಹೊಸಹೊಳಹುಗಳ ಬಗ್ಗೆ ಶಿಬಿರ ನಡೆಸಿಕೊಟ್ಟರು. ವಿದುಷಿ ಪವನ ಬಾಲಚಂದ್ರ ಅವರ ವೀಣಾ ವಾದನ ಕಛೇರಿ ನಡೆಯಿತು. ಬಳಿಕ ಡಾ. ಆರ್.ಸೂರ್ಯ ಪ್ರಕಾಶ್ ಅವರ ಕಛೇರಿಯೂ ನಡೆಯಿತು. ಗಣರಾಜ ಕಾರ್ಲೆ ಮುಳ್ಳೇರಿಯ ವಯಲಿನ್ ನಲ್ಲಿ, ಹಾಗೂ ಸುನಾದಕೃಷ್ಣ ಮೃದಂಗದಲ್ಲಿ ಸಹಕರಿಸಿದರು.