ಉಡುಪಿ: ಸಂತೆಕಟ್ಟೆ ಜಂಕ್ಷನ್ ಸೇತುವೆ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಸ್ಥಳೀಯರಿಗೆ ನಾಗರಿಕರಿಗೂ ಪ್ರವಾಸಿಗರಿಗರಿಗೂ ಅನುಕೂಲ, ಟ್ರಾಫಿಕ್ ಜಾಮ್ ಸಮಸ್ಯೆ ಪರಿಹಾರ, ಸುಲಭ ಸಾಗುವಿಕೆ ಆಗಬೇಕು ಎಂದು ಸಂತೆಕಟ್ಟೆಯ ನಾಗರಿಕರು ತಿಳಿಸಿದ್ದಾರೆ.

ಮುಂದಿನ ದಿನಗಳಲ್ಲಿ ಈಗ ಇರುವ ಸಮಸ್ಯೆಗಿಂತ ಹೆಚ್ಚಿನ ತೊಂದರೆಗಳು ಆಗಬಾರದು ಎಂಬ ಉದ್ದೇಶದಿಂದ ಸಕಾರಾತ್ಮಕ ದೃಷ್ಟಿಯಿಂದ ಊರ ಹಿರಿಯರು ಮುಖಂಡರು ಸಮಾನ ಮನಸ್ಕರು ಶಾಲಾ ಕಾಲೇಜು ಮುಖ್ಯಸ್ಥರು ಧಾರ್ಮಿಕ ಮುಖಂಡರು ವಾಹನ ಸಂಘಟನಾ ಮುಖ್ಯಸ್ಥರು ಮಹಿಳಾ ಸಂಘ, ಯುವಕ ಸಂಘಟನೆ ಇನ್ನೂ ಹಲವಾರು ಆಸಕ್ತರು ಸೇರಿ ಸಂತೆಕಟ್ಟೆ ಜಂಕ್ಷನ್ ಸೇತುವೆ ನಿರ್ಮಾಣ ಮತ್ತು ಅಭಿವೃದ್ಧಿ ಬಗ್ಗೆ ಸಾಧಕ ಬಾಧಕ ತುರ್ತು ಸಭೆ ಅಕ್ಟೋಬರ್ 24 ಭಾನುವಾರ ಅಪರಾಹ್ನ 3:00 ಗಂಟೆಗೆ ಸಂತೆಕಟ್ಟೆಯ ಮೌಂಟ್ ರೋಜರಿ ಚರ್ಚ್ ಮಿಲೇನಿಯಮ್ ಹಾಲ್ ನಲ್ಲಿ ಕರೆಯಲಾಗಿದೆ.

ಈ ಸಂದರ್ಭದಲ್ಲಿ ಸಂತೆಕಟ್ಟೆ ಜಂಕ್ಷನ್ ಅಭಿವೃದ್ದಿ ಬಗ್ಗೆ ಅನಿಸಿಕೆಗಳನ್ನು ಮುಂದಾಲೋಚನೆ ಗಳನ್ನು ಅಥವಾ ಈಗಿರುವ ಸಮಸ್ಯೆಗಳನ್ನು ಸರಿಪಡಿಸುವ ಸುಲಭಪೋಯಗಳನ್ನು ತಿಳಿಸಲು ಸಮಸ್ಯೆಗಳನ್ನು ಸರಕಾರದ ಮುಂದೆ ಇಟ್ಟು ಅಗತ್ಯವಿದ್ದಲ್ಲಿ ಸರಿಪಡಿಸಿ ಸರಕಾರದ ಈ ಅಭಿವೃದ್ಧಿ ಕಾರ್ಯದಲ್ಲಿ ಜೊತೆ ಕೊಟ್ಟು ಸರ್ವರಿಗೂ ಅನುಕೂಲಕರ ಸುಂದರ ಸಂತೆಕಟ್ಟೆ ಜಂಕ್ಷನ್ ನಿರ್ಮಾಣ ಆಗಬೇಕು ಎಂದು ಸಂತೆಕಟ್ಟೆಯ ನಾಗರಿಕರು ತಿಳಿಸಿದ್ದಾರೆ.