ಕಾಪು: ಆಯುರ್ವೇದ ವೈದ್ಯರಾದ ಡಾ. ಸದಾನಂದ ಎಲ್ ಭಟ್ ಕಾಪು ಹಾಗೂ ಡಾ. ಸುಷ್ಮಾ ಎಸ್ ಭಟ್ ಕಾಪು ಇವರ ನೂತನ ಆಯುರ್ವೇದ ಚಿಕಿತ್ಸಾ ಕೇಂದ್ರವು ಕೊತ್ತಲಕಟ್ಟೆ ಬಸ್ ನಿಲ್ದಾಣದ ಬಳಿ ಭಾನುವಾರ ಶುಭಾರಂಭಗೊಂಡಿತು. ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಅವರು ಉದ್ಘಾಟನೆ ನೆರವೇರಿಸಿದರು. ಸಮಾರಂಭದ ಅಧ್ಯಕ್ಷತೆಯನ್ನು ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ವಹಿಸಿದ್ದರು.

ಕಾಪು ಪುರಸಭಾ ಅಧ್ಯಕ್ಷ ಅನಿಲ್ ಕುಮಾರ್, ಕೆ.ಎಂ.ಎಫ್ ಮಾಜಿ ಅಧ್ಯಕ್ಷ ದಿವಾಕರ್ ಶೆಟ್ಟಿ ಕೊತ್ತಲಗುತ್ತು, ಕೆ.ಎಂ.ಸಿ ಆಯುರ್ವೇದ ವಿಭಾಗದ ಮಾಜಿ ಮುಖ್ಯಸ್ಥ ಡಾ.ಎಂ.ಎಸ್.ಕಾಮತ್, ಎಸ್.ಡಿ.ಎಂ ಆಯುರ್ವೇದ ಕಾಲೇಜು ಉಡುಪಿ ಇದರ ರೋಗನಿದಾನ ವಿಭಾಗದ ಡಾ.ಪ್ರಸನ್ನ ಎನ್ ಮೊಗಸಾಲ, ಶಿವಾನಿ ಡಯಾಗ್ನೋಷ್ಟಿಕ್ ಮುಖ್ಯಸ್ಥ ಡಾ. ಶಿವಾನಂದ ನಾಯಕ್, ಚಂದ್ರಹಾಸ ಶೆಟ್ಟಿ, ಹರಿಖಂಡಿಗೆ ಹೆಚ್. ಗೋಪಾಲಕೃಷ್ಣ ನಾಯಕ್, ಲಕ್ಷ್ಮೀಂದ್ರ ಭಟ್ ಕಾಪು, ಕುಂದಪ್ರಭ ಪತ್ರಿಕಾ ಸಂಪಾದಕ ಯು.ಎಸ್.ಶೆಣೈ ಮುಂತಾದವರು ಉಪಸ್ಥಿತರಿದ್ದರು. ವಿಧಾನ ಪರಿಷತ್ ಸದಸ್ಯ ಪ್ರತಾಪಸಿಂಹ ನಾಯಕ್ ನೂತನ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿ ಶುಭ ಹಾರೈಸಿದರು.