ಉಡುಪಿ: ಸರಕಾರಿ ಪ್ರಥಮ ದರ್ಜೆ ಕಾಲೇಜು ಮತ್ತು ಸ್ನಾತಕೋತ್ತರ ಅಧ್ಯಯನ ಕೇಂದ್ರ ತೆಂಕನಿಡಿಯೂರು, ತುಳುಕೂಟ ಉಡುಪಿ ಮತ್ತು ಸಿರಿ ತುಳುವ ಚಾವಡಿ ಉಡುಪಿ ಸಹಯೋಗದಲ್ಲಿ “ಆಟಿ ತುಲಿಪು” ಎಂಬ ಉಡುಪಿ ಜಿಲ್ಲಾ ಮಟ್ಟಡ ಆನ್ ಲೈನ್ ವಿಚಾರ ಕೂಟ ಆಗಸ್ಟ್ 14 ಸಂಜೆ 6 ಗಂಟೆಗೆ ನಡೆಯಲಿದೆ.

ಜಾನಪದ ವಿದ್ವಾಂಸ ಡಾ. ವೈ. ಎನ್. ಶೆಟ್ಟಿ ಉದ್ಘಾಟನೆ ನೆರವೇರಿಸಲಿದ್ದು ಮಂಗಳೂರು ವಿಶ್ವವಿದ್ಯಾನಿಲಯದ ನಾರಾಯಣಗುರು ಪೀಠದ ನಿರ್ದೇಶಕ ಗಣೆಶ್ ಅಮೀನ್ ಸಂಕಮಾರ್ ಆಟಿಯ ಕುರಿತು ಮಾತನಾಡಲಿದ್ದಾರೆ.

ಮುಖ್ಯ ಅಭ್ಯಾಗತರಾಗಿ ತುಳುಕೂಟ ಉಡುಪಿಯ ಪ್ರಮುಖರಾದ ಜಯಕರ ಶೆಟ್ಟಿ ಇಂದ್ರಾಳಿ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮಂಗಳೂರು ಸದಸ್ಯ ನಿಟ್ಟೆ ಶಶಿಧರ ಶೆಟ್ಟಿ, ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆಯ ಉಡುಪಿ ಮುಖ್ಯಸ್ಥರಾಗಿರುವ ಯಶೋಧ ಕೇಶವ ಪಾಲ್ಗೊಳ್ಳಲಿದ್ದಾರೆ ಎಂದು ಪ್ರಾಂಶುಪಾಲ ಡಾ. ಗಣನಾಥ ಶೆಟ್ಟಿ ಎಕ್ಕಾರು, ಕುದಿ ವಸಂತ ಶೆಟ್ಟಿ, ಡಾ. ಸುರೇಶ್ ರೈ, ಈಶ್ವರ ಶೆಟ್ಟಿ ಚಿಟ್ಪಾಡಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.