ಪ್ರಧಾನಿ ನರೇಂದ್ರ ಮೋದಿ ಸಚಿವ ಸಂಪುಟ ಪುನಾರಚನೆಗೆ ಅನುಕೂಲವಾಗುವಂತೆ 12 ಮಂದಿ ಕೇಂದ್ರ ಸಚಿವರು ರಾಜೀನಾಮೆ ಸಲ್ಲಿಸಿದ್ದಾರೆ.

ರಾಷ್ಟ್ರಪತಿ ಭವನದ ಮಾಹಿತಿ ಪ್ರಕಾರ ರವಿಶಂಕರ ಪ್ರಸಾದ್, ಡಿವಿ ಸದಾನಂದ ಗೌಡ, ಪ್ರಕಾಶ್ ಜಾವ್ಡೆಕರ್, ಹರ್ಷವರ್ಧನ್, ರಮೇಶ್ ಪೊಖ್ರಿಯಾಲ್ ನಿಶಾಂಕ್, ಪ್ರತಾಪ್ ಚಂದ್ರ ಸರಂಗಿ, ಥಾವರ್ ಚಂದ್ ಗೆಹ್ಲೊಟ್, ಸಂತೋಷ್ ಕುಮಾರ್ ಗಂಗ್ವಾರ್, ಬಬುಲ್ ಸುಪ್ರಿಯೊ, ಧ್ರೊತ್ರೆ ಸಂಜಯ್ ಶ್ಯಾಮರಾವ್, ರತ್ತನ್ ಲಾಲ್ ಕತಾರಿಯಾ, ದೆಬ್ರಾಶ್ರೀ ಚೌಧರಿ ರಾಜೀನಾಮೆ ಸಲ್ಲಿಸಿದ್ದಾರೆ.

43 ನೂತನ ಸಚಿವರು ಮೋದಿ ಸಂಪುಟವನ್ನು ಸೇರಿದ್ದಾರೆ. 

ರಾಜ್ಯದ ನಾಲ್ವರಿಗೆ ಸಚಿವ ಭಾಗ್ಯ: ಉಡುಪಿ ಚಿಕ್ಕಮಗಳೂರು ಸಂಸದೆ ಶೋಭಾ ಕರಂದ್ಲಾಜೆ, ಚಿತ್ರದುರ್ಗ ಸಂಸದ ಎ. ನಾರಾಯಣಸ್ವಾಮಿ, ಬೀದರ್ ಸಂಸದ ಭಗವಂತ ಖೂಬ ಮತ್ತು ರಾಜೀವ್ ಚಂದ್ರಶೇಖರ್ ಪ್ರಧಾನಿ ನರೇಂದ್ರ ಮೋದಿ ತಂಡದಲ್ಲಿ ಇಂದು ಸೇರ್ಪಡೆಯಾದ ನೂತನ ಸಚಿವರು.