ಅಯೋಧ್ಯಾ, ಫೆ.27: ಇಂದ್ರೇಶ್ ಕುಮಾರ್ ನೇತೃತ್ವದಲ್ಲಿ ಧಾರ್ಮಿಕ ಸಾಮರಸ್ಯ ಉತ್ತೇಜಿಸಲು ನಡೆದ ಸದ್ಭಾವ ಯಾತ್ರೆಯ ಅಂಗವಾಗಿ ಮಂಗಳವಾರ ಅಯೋಧ್ಯೆಯ ರಾಮಮಂದಿರಕ್ಕೆ ನೂರಾರು ಮುಸ್ಲಿಂ ಬಾಂಧವರು ಭೇಟಿ ನೀಡಿದರು. ಕೈಯಲ್ಲಿ ರಾಮನ ಧ್ವಜವನ್ನು ಹಿಡಿದುಕೊಂಡು ಜೈ ಶ್ರೀ ರಾಮ್ ಘೋಷಣೆಗಳನ್ನು ಹಾಕಿ ರಾಮಲಲ್ಲಾನ ದರ್ಶನವನ್ನು ಪಡೆದರು. ನಮಗೆಲ್ಲರಿಗೂ ಇಲ್ಲಿಗೆ ಭೇಟಿ ನೀಡಿ ಸಂತೋಷವಗಿದೆ. ನಮ್ಮಲ್ಲಿ ಭಿನ್ನತೆಯಿಲ್ಲ ಎಂದರು. ರಾಷ್ಟ್ರೀಯ ಸಂಘಟನೆಯಾದ ಮುಸ್ಲಿಂ ರಾಷ್ಟ್ರೀಯ ಮಂಚ್ ಪ್ರಕಾರ ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಶೇ. 74 ರಷ್ಟು ಮುಸ್ಲಿಮರಿಗೆ ಸಂತಸವಾಗಿದೆ ಎಂದು ಜನವರಿಯಲ್ಲಿ ಅಧಿಕೃತ ಹೇಳಿಕೆ ನೀಡಿದನ್ನು ಇಲ್ಲಿ ಸ್ಮರಿಸಬಹುದು.